کەنەدا.. خۆپیشاندانی ناڕەزایی دژی حکومەتی تورکیا بەڕێوە دەچێت
تاراوگە 01:27 AM - 2022-07-26
لە درێژەی چالاکیەکانی کوردستانیانی کەنەدا بۆ دەربڕینی ناڕەزایی و شەرمەزارکردنی سیاسەتی ڕەگەزپەرستی ئەردوگان و هێرش و بۆردومانی سوپای سەربازی تورکیا بۆ سەر ناوچەکانی باشوور و ڕۆژئاوای کوردستان ، لە دوو کاتی جیاواز و لە ڕۆژانی 23 و 24 ی تەمووزی 2022 لە ناوەندی شاری تۆرونتۆ -ی کەنەدا بەسەرپەرشتی ڕێکخراوەکانی کۆردیش کۆمینێتی سەنتەر و فیدراسیۆنی پەنابەرانی عێراق و حزبی کۆمونیستی کریکارانی کوردستان و بەئامادەبوونی ژمارەیەکی بەرچاوی کوردانی ئۆنتاریۆ ، دوو چالاکی خۆپیشاندان و گردبوونەوەی ناڕەزایەتی دژ بە هێرش و بۆردومانی فڕۆکە جەنگیەکانی سوپای تورکیا بۆ سەر خاکی هەرێمی کوردستان بەڕێوەچوو . لە ڕێپێوانی خۆپیشاندەران لە شەقامی یانگ و بلوور بەرەو ستی هۆل (جێی ئەنجوومەنی شارەوانی تورۆنتۆ ) و هەروەها گردبوونەوەی کوردستانیان لە گۆڕەپانی ئیتان مۆڵ سەنتەر خۆپیشاندەران بە
سروود و هەڵگری ئاڵا و درووشمەکانیان بوردومانی بەردەوامی فڕۆکە جەنگیەکانی هێزی ئاسمانی تورکیا بۆ سەر ناوچەکانی باشووری کوردستان و کوشتنی خەڵکی سڤیل ڕسوا و شەرمەزارکرد ، پاشان چەندین وتاری حزب و ڕێکخراوەکان خوێندرانەوە ، وتارەکان بەگشتی وێڕای دەربڕینی ناڕەزایەتی ، سیاسەتی ڕەگەزپەرستی ئەردوگان و پەلاماری سەربازی و بۆردومانی فڕۆکە جەنگیەکانی تورکیا بۆ سەر خاکی باشوور و کوردستان و کوشتنی هاوڵاتیانی مەدەنی بەتایبەتیش بۆردومانی ئەم دواییەی بۆ سەر هاوین هەواری گوندی پەرەخ - ی شاری زاخۆ کە بووە هۆی کوشتن و برینداربوونی ژمارەیەکی گەشتیارانی عەرەبی خوارووی عێراق ئیدانە و شەرمەزار کرد . هاوکات داوایان لە حکومەتی کەنەدا و ڕای گشتی نێودەوڵەتی کرد پشتیوانی مافی ڕەوای گەلی کورد بەگشتی بکەن و سنورێك بۆ دەستدرێژیەکانی حکومەتی تورکیا و بۆردومانی فڕۆکە جەنگیەکان لە باشوور و ڕۆژئاوای کوردستان دابنرێت . هەر لە میانەی خۆپیشاندان و گردبوونەوەی ڕەوەندی کوردان حزبی کۆمۆنیستی کرێکارانی کوردستان و کوردیش کۆمینێتی لە بەیاننامەدا بە زمانی ئینگلیزی بۆ هەمان مەبەستی دەربڕینی ناڕەزایەتی دژی حکومەتی تورکیا بە درێژایی شەقامەکاندا بەسەر ڕێبواران بڵاو دەکرایەوە .
PUKmedia عوسمان عەلی ، توڕونتۆ
هەواڵی زیاتر
-
کۆنفرانسی زانستی نێودەوڵەتی کاری کۆمەڵایەتی سازدەکرێت
10:46 AM - 2024-04-28 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
04:34 PM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26
ئەمانەش ببینە
٧١ هەمین هەفتانەی دیجیتاڵی ئینگلیزی بڵاودەكرێتەوە
09:10 AM - 2024-04-28
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
06:17 PM - 2024-04-27
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
05:44 PM - 2024-04-27
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
11:17 AM - 2024-04-27
زۆرترین خوێنراو
-
٧١ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:10 AM - 2024-04-28 -
سەرۆكکۆمار: عیراق وڵاتی هەمووانە
عیراق 07:22 PM - 2024-04-27 -
شاجوانەکەی خانەقی
بیروڕا 06:22 PM - 2024-04-27 -
چاوێکیشتان لە زۆرینەی فەقیر و فوقەرا بێت
بیروڕا 06:20 PM - 2024-04-27 -
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
جیهان 06:17 PM - 2024-04-27 -
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
جیهان 05:44 PM - 2024-04-27 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
جیهان 04:34 PM - 2024-04-27 -
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
کوردستان 11:17 AM - 2024-04-27