ئاكرێ..ده‌ست ب نوژه‌نكرنا قوناغا دووێ یا قشلا ئاكرێ كریه‌

رێڤه‌به‌ریا شینوارێن ئاكرێ ب كوژمێ 166 ملیون دیناران قوناغا دووێ یا نوژه‌نكرنا قشلا ئاكرێ ده‌ستپێكریه‌ به‌لێ ئه‌وان پێتفی ب پشته‌فانیا دارایی یا زێده‌تره‌ ژ بو تمام كرنا پروژێ نوژه‌نكرنا قشلێ. 

هیوا شه‌ماڵ رێڤه‌به‌رێ شینوارێن ئاكرێ بو PUKmedia راگه‌هاند: ل سالا 2010 كارێ نوژه‌نكرنا قشلا ئاكرێ ژ لایێ كومپانیه‌كێ ڤه‌ ده‌سپێكر،لێ ژ به‌ر نه‌شاره‌زایا ڤێ كومپانیێ دكارێ نوژه‌نكرنا جهێن شینه‌واریدا وه‌زاره‌تا شاره‌وانی وگه‌شت وگوزار ئه‌ف كاره‌ ژ ڤێ كومپانیێ ستاند و راوه‌ستاند.

هه‌روه‌سا رێڤه‌به‌رێ شینه‌وارێن قه‌زا ئاكرێ گوت ژی: ل سالا 2013 جاره‌كا دی ده‌ست ب نوژه‌نكرنا قشلا ئاكرێ هاته‌ كرن ڤه‌ لێ ژبه‌ر په‌یدابونا قه‌یرانێن دارایی ل هه‌رێمێ بو جارا دوویێ كارێ نوژه‌نكرنا قشلا ئاكرێ هاته‌ راوه‌ستاند.

هیوا شه‌ماڵ گوت: ل سالا 2021 وه‌زاره‌تا شاره‌وانیی و گه‌شت وگوزار ل حكومه‌تا هه‌رێمێ كوژمێ 166 مه‌لیون دینار بو نوژه‌نكرنا قشلا ئاكرێ ته‌رخانكرن ومه‌زاختن ونوكه‌ كارێ نوژه‌نكرنێ دقوناغێن دوماهیێ دایه‌ وئه‌ف قشله‌ دێ بیته‌ دوو موزه‌خانه‌ موزه‌خانه‌كا شینه‌واری ،وموزه‌خانه‌كا كه‌لتوری دێ ل ڤی جهێ شینه‌واری دهێنه‌ دانان بو راكێشانا كه‌شتیاران ونمایشكرنا كه‌ل وپه‌لێن شینه‌واری وكه‌لتوری ل ده‌ڤه‌رێ  .

PUKmedia  به‌یار ئامێدی / دهوك