هاووڵاتیەك رۆژانە ئاوی دارەكان دەدات

وەستا ئەیاد هاووڵاتیەكی دانیشتوی كەركوكە، هاوكات پیشەی وەستای چاككردنەوەی ئۆتۆمبێلە، رۆژانە كە دەچێتە سەر كارەكەی دارەكانی نزیك لەدوكانەكەی ئاو دەدات.

وەستا ئەیاد بە PUKmedia راگەیاند، ئەو دارانەی نزیكن لەدوكانەكەی  بریتیە لەچەند دارێك، بەڵام شارەوانی فریاناكەویت كە رۆژانە زۆربەی دارەكانی شارەكە ئاو بدات، هەر بۆیە من خزمەتكردنی شارەكەم  بە ئەركی سەر شانی خۆمی دەزانم.

وتیشی: بەهۆی كەمی ئاو و بەرزبوونەوەی پلەكانی گەرما بەشێكی زۆر لە دارەكانی سەر شۆستەكان خەریكە ووشك دەبن،  باشتر وایە هەر هاووڵاتیەك كەلەتوانایدا هەیە رۆژانە دارەكانی نزیك ماڵ ودوكانەكەی خۆی ئاوبدات، تاكو ئەو دارانە وشك نەبن.

ئەوەشی خستەڕوو: ئاودانی ئەودارانە بەتەنها ئەركی سەر شانی شارەوانی نیە، چونكە هەموومان بەرپرسین و ئەركە لەسەر شانمان كە دارەكان بپارێزین و ئاویان بدەین، چونكە ئەم دارانە سود بەهەموو تاكێكمان دەگەیەنێت.

PUKmedia ئازاد شكور