چۆن دەتوانیت شوتی سوور هەڵبژێریت؟

شارەزای بواری خۆراك یۆلیا لیمیشفا رایگەیاند، باشتر وایە شوتی لە ماركێتەكان بكردرێت نەك لە فرۆشگاكانی سەر شەقامەكانی شار، چونكە پێویستە شوتیەكە تیشكی خۆری بەر نەكەوێت و پارێزراوبێت.

یۆلیا لیمیشفا وتیشی: نابێت شووتی بە هیچ جۆرێك تیشكی خۆری بەر بكەوێت، چونكە زیانی دەبێت بۆ مرۆڤ، باشتر وایە كاتێك شوتی دەكریت كێشی لە نێوان حەوت بۆ نۆ كیلۆ بێت و رەنگی توێكڵی شوتیەكە پەڵەی وردی پرتەقاڵی و زەردی پێوەبێت، هاوكات تاكو بزانین شوتیەكە خراپ نەبووە و تازەیە ئەوە پێویستە بە دەستەكانت لە شوتیەكە بەیت تاكو گوێت لە دەنگی لەرینەوەی ناوەوەی شوتیەكە دەبێت و بەوە دەزانیت شوتیەكە سورو تازەيە.

ئەوەشی خستەڕوو: تاكو شوتی بپارێزیت لە تێك چوون پێویستە شوتیەكە لە شوێنێك بێت كە پلەی گەرماكەی لە نێوان 10 بۆ 15 پلە بێت و بە شێوەیەكی گشتی شێدارییەكەی 80-90 بێت، دەتوانرێت شوتی بۆ چەند مانگێك بپارێزرێت لە تێكچوون.

PUKmedia ئاژانسەكان