كوردێك خەڵاتی ئازادی رۆژنامەگەری نێودەوڵەتی بەدەستدەهێنێت

ژنە رۆژنامەنووسێكی كورد خەڵاتی ئازادی رۆژنامەگەری نێودەوڵەتی بۆ ساڵی 2022 وەردەگرێت لەلایەن لیژنەی پاراستنی رۆژنامەنووسان (CPJ)ەوە دابین دەكرێت.

لە بەیاننامەیەكی CPJ دا نیاز عەبدوڵڵا بە رۆژنامەنووسێكی فریلانسی دیار لە هەرێمی كوردستان وەسفدەكات كە لە  روماڵكردن  بۆ دەزگاكانی راگەیاندن بەشدارێكی كارای هەیە، دەشڵێت: نیاز عەبدوڵا رووماڵی سیاسەت و نائارامی مەدەنی و گەندەڵی حكومی و مافی مرۆڤ و كەمینە نەتەوەیی و ئایینییەكانی كوردستانی عیراقی كردووە. لە ساڵی 2021دا بە بەڵگەی زەق دۆسیەكانی رۆژنامەنووسان و چالاكوانانی كۆمەڵگەی مەدەنی كوردی عیراقی كە بە تۆمەتی ئاسایشی نیشتمانی سزا دراون رووماڵی كرد.

CPJ لە بەیاننامەكەشیدا دەڵێت: بەهۆی رەخنەگرتن لە سەركوتكردنی ئازادی رۆژنامەگەری و ئازادی رادەربڕین لەلایەن سەرۆكی حكومەتی هەرێمەوە رووبەڕووی هەراسانكردنی یاسایی بووەتەوە لەلایەن هێزە ئەمنییەكان و دەسەڵاتە ناوخۆییەكانەوە، هەروەها لەسەر كارەكەی دەستگیركراوەو هەڕەشەی توندوتیژی لێكراوە، ساڵی 2021یش بۆ فەرەنسا هەڵهاتووە تا لەو هەڕەشانەی كە لێكراوە رزگاری ببێت.

بڕیارە رۆژی پێنجشەممە 17ی تشرینی دووەمی 2022 ساڵانەی خەڵاتی ئازادی رۆژنامەوانی نێودەوڵەتی CPJ رێز لە رۆژنامەنووسانی بوێر لە سەرانسەری جیهان لە شاری نیویۆرك بەڕێوەبچێت.

PUKmedia