دیانا حەداد لەچكەكەی فڕێدا

هونەرمەند دیانا حەداد دوای یەكەم دەركەوتنی پاش سڕینەوەی هەموو وێنەكانی لە تۆڕی كۆمەڵایەتی ئینیستاگرام نكۆڵی لەو قسانە كرد كە گوایە وازی لەهونەر هێنا بێت، دەشڵێت: ئەو دەنگۆیانە دوورە لە راستیەوەو تەنها دەمویست بۆ ماوەیەك لە تۆڕە كۆمەڵایەتیەكان دوربكەومەوەو پشویەك وەربگرم.

دیانا حەداد هونەرمەندی بەناوبانگی لوبنانی رایگەیاند: واز لەهونەر ناهێنم وەك كە بەرنامەی ( ET بالعربی)ی كەناڵی ئێمبیسی باسی كردوە، ئەوەی روویداوە تەنها بۆ وەرگرتنی پشوویەك بووە بەخۆم و دوركەوتنەوەشم لە سۆشیال میدیا، لەماوەی پشوەكەشمدا خۆشەویستی جەماوەرەكەم بۆ دەركەوت، بەتایبەت رەنگدانەوەی لەڕاگەیاندنەكاندا.

پێش چەند مانگێك هونەرمەند دیانا حەداد موسڵمان بونی خۆی وەك راگەیاندو بە باڵاپۆشییەوە دەركەوت، دواتریش هەموو وێنەكانی پێش بوون بەموسڵمانی لەتۆڕە كۆمەڵایەتیەكانی سڕییەوە، بەڵام دووبارە گەڕایەوە بۆ نێو هونەر، دەشڵێت لەپێناو هونەر وازی لەباڵا پۆشیەكەی هێناوە.

PUKmedia ئاژانسەكان