ڕاگه‌یه‌نراوێك له‌ به‌ڕێوه‌به‌رایه‌تی به‌ره‌نگاربوونه‌وه‌ی توندوتیژی دژی ئافره‌تانه‌وه‌

به‌ڕێوه‌به‌رایه‌تی به‌ره‌نگاربوونه‌وه‌ی توندوتیژی دژی ئافره‌تان و خێزان/ سلێمانی، له‌ڕاگه‌یه‌نراوێكدا سوپاسی نووسینگه‌ی جێگری سه‌رۆكی حكومه‌تی هه‌رێمی كوردستان و ئاسایشی سلێمانی ده‌كه‌ن له‌ ده‌ستگیركردنی ئه‌و پیاوه‌ی كه‌ به‌ چه‌قۆ هێرشی كردبووه‌ سه‌ر هاوسه‌ره‌كه‌ی.

ئه‌مه‌ش ده‌قی ڕاگه‌یه‌نراوه‌:  
ڕاگه‌یه‌ندراوێك له‌به‌ڕێوه‌به‌رایه‌تی به‌ره‌نگاربوونه‌وه‌ی توندوتیژی دژی ئافره‌تان‌و خێزان/سلێمانی

دوای ئه‌وه‌ی شه‌وی 5/5/ 2022 ئافره‌تێك به‌ناوی (ن،م) له‌لایه‌ن هاوسه‌ره‌كه‌یه‌وه‌  به‌چه‌قۆ هێرشی كرایه‌ سه‌ر‌و به‌سه‌ختی بریندار كرا له‌لایه‌ن هاوسه‌ره‌كه‌یه‌وه‌ به‌ناوی (د، ئ).
له‌سه‌ر فه‌رمانی به‌ڕێز جیگری سه‌رۆكی حكومه‌تی هه‌رێمی كوردستان سه‌رجه‌م هێزه‌ ئه‌منییه‌كان ڕاسپێدران بۆ ده‌ستگیركردنی تۆمه‌تباری ناوبراو پاش به‌دواداچوونێكی جددی‌و شه‌ونخونی به‌رێوه‌به‌رایه‌تی ئاسایشی سلێمانی توانیان ناوبراو له‌شه‌وی 10/11_5_ 2022 ده‌ستگیر بكه‌ن‌و به‌بڕیاری دادوه‌ری لێكۆڵینه‌وه‌ی ئاسایش تۆمه‌تبار ڕاده‌ستی به‌ڕێوه‌به‌رایه‌تیمان بكرێت.

به‌ناوی به‌ڕێوه‌به‌رایه‌تیمانه‌وه‌ سوپاسی زۆر به‌ڕێز (نوسینگه‌ی جێگری سه‌رۆكی حكومه‌تی هه‌رێمی كوردستان/ به‌شی جێنده‌ر)‌و به‌ڕێوه‌به‌رایه‌تی ئاسایشی سلێمانی ده‌كه‌ین كه‌ به‌رده‌وام له‌خه‌می پاراستنی خێزان‌و ژنان‌و ده‌سته‌به‌ركردنی ئارامی‌و ئاسایشن له‌شاری سلێمانی. 
                                                               
ڕاگه‌یاندن‌و په‌یوه‌ندییه‌كان
                                                               
  11/5/2022 - سلێمانی 
PUKmedia