بێریڤان ئەیوب: ئاسایشی پارتی بەشێوەیەكی نامرۆڤانە مامەڵەیان لەگەڵ كردم

ژنە چالاكوانێكی بادینان دوای ئازادكردنی ئاشكرایكرد كە دوای دەستگیركردنی 15 رۆژ لەژووی تاكەكەسی بووەو بەشێوەیەكی نامرۆڤانە مامەڵەم لەگەڵ كراوەو دواتریش هەر لەزیندان بەهۆی مامەڵەی خراپەوە توشی نەخۆشی شەكرە بووم و چاوم خراپ دەبینێت. 
بێریڤان ئەیوب ژنە چالاكوانی بادینان  كە یەكێكە لەو چالاكوانانەی بادینان كە لەسەر بیروڕای ئازادو داواكردنی مافی هاووڵاتیان لەلایەن ئاسایشی پارتیەوە دەستگیركرابوو، دوای 19 مانگ زیندانی ئازادكراو لەكۆنگرەیەكی رۆژنامەوانیشدا داوای ئازادكردنی دەستگیركراوانی بادینانی كردو رایگەیاند: دەستگیركردنم لەسەر رەخنەگرتن بووە لەدەسەڵات لەدهۆك كە داوای مافی هاووڵاتیان و مووچەمان كردبوو، بۆیە سەرجەم ئەو تۆمەتانەی لەسەری دەستگیركرابووم ناڕاست بوو، بۆیە دوای بێتاوان بوونم ئازادكرام.
وتیشی: لەزیندان بەهۆی مامەڵەی خراپی هێزە ئەمنییەكانەوە ماوەی 15 رۆژ لەژووی تاكەكەسی زیندانی كرام و بەشێوەیەكی نامرلاۆڤانە مامەڵەم لەگەڵ كراوە، دواتریش هەر لەزیندان بەهۆی مامەڵەی خراپەوە توشی نەخۆشی شەكرە بووم و چاوەكانم خراپ دەبینێت.

PUKmedia