هەولێر.. لەسەر دەمەقاڵێ ژنێك لەلایەن مێردەكەیەوە دەكوژرێت

لەهەولێر لەسەر دەمەقاڵێ لەنێوانیان لە سەر كێشەی خێزانی پیاوێك ژنەكەی كوشت، پۆلیسیش دەڵێت: بكوژەكە دەستگیركراوەو لێكۆڵینەوە لەرووداوەكە بەردەوامە.
پۆلیسی هەولێر بڵاویكردەوە: دوای ئاگاداركردنەوەیان لەبوونی روداوێكی كوشتن لە تەعجیلی نوێ لە سنوری نەحیەی شەمامك، دەستبەجێ هێزەكانمان گەشتنە شوێنی رووداو دەركەوت كە ژنێك بەناوی (بەهار زەكەریا فەتاح) تەمەن 33 ساڵان كوژراوە.
رونیشیكردوەتەوە:دوای بەدواداچوون بۆ ئەم روداوە، هێزەكانمان توانیان هاوسەرەكەی بەناوی (ا.ڤ.م) دەستگیر بكەن كە لە ئاكامی رودانی دەمەقاڵێ لەنێوانیان لە سەر كێشەی خێزانی لێیداوەو دوای گەیاندنی بۆ نەخۆشخانە گیانی لەدەستداوە.
ئەوەشی خستوەتەڕوو: پەڕاوی لێكۆڵینەوە بۆ روداوەكە رێكخراوەو پۆلیس سەرقاڵی لێكۆڵینەوەیەو تۆمەتباری ناوبراو دەستبەسەرە.
PUKmedia