روونكردنەوەیەك لەخاتوو لیلۆز ئیبراهیم ئەحمەد-ەوە

خاتوو لیلۆز ئیبراهیم ئەحمەد لە روونكردنەوەیەكدا رایدەگەیەنێت، پەیجێكی ساختە لە پارساڵەوە بەمەبەست و بە بەرنامە و بە ئاڕاستەی ناشرینكردن بەناوی منەوە كاردەكەن، بۆیە رایدەگەیەنم، بەندە جگە لە ئەكاونتێكی كەسی تایبەت بە خۆم لەتۆڕی كۆمەڵایەتی فەیسبووك، خاوەنی هیچ پەیج و ئەكاونتێكی تر نیم.

دەقی روونكردنەوەكە:
هاوڕێیانی بەڕێز..
بەندە جگه لە ئەكاونتێكی كەسی تایبەت بە خۆم لەتۆڕی كۆمەڵایەتی فەیسبووك، خاوەنی هیچ پەیج و ئەكاونتێكی تر نیم.
بەداخەوە رایدەگەیەنم، پەیجێكی ساختە لە پارساڵەوە بەمەبەست و بە بەرنامەی قێزەونی خۆیان؛ بە ئاراستەی ناشرینكردن و لەكەداركردن و تێكدان، كاردەكەن و دوور لە مۆڕاڵ و عورف و عاداتی كۆمەڵایەتی تەشهیردەكەن.
ماوەیەكی زۆرە ناوی ئێمە بەكاردەهێنرێت لەو پەیجە ساختەیەوە، بەندە بەڕوونی لە دوای چەندین روونكردنەوەی یەك لەدوایەك رایدەگەیەنم: كە ئەو هەژمارە ساختەو بێ مۆڕاڵە پۆستەكانی لە فەیسبووك لەسەر ناوی ئێمەبڵاودەكاتەوە دوور و نزیك پەیوەندی بەئێمەوەنییە و لەناوەڕۆكی بابەتەكانی هیچ بەرپرسنیین.
باشتروایە ئەوكەسانە بای ئەوەندە ئازایەتییان تێدابێت، كەلەسەر ناوی خۆیان نووسینەكانیان بڵاوكەنەوە.
خۆری رووناك، بە بێژنگی چەواشەكاران ناگیرێت.

لیلۆز ئیبراهیم ئەحمەد

PUKmedia تایبەت