له‌گه‌ڵ هاتنی وه‌رزی به‌هاردا خواست له‌سه‌ر گیا به‌هارییه‌كان زۆر ده‌بێت

هه‌موو ساڵێك له‌گه‌ڵ هاتنی وه‌رزی به‌هاردا، هاووڵاتیان ئاره‌زووی خواردنی گیا به‌هارییه‌كانیان ده‌كه‌ن، به‌وهۆیه‌شه‌وه‌ خواست له‌سه‌ر سه‌رجه‌م گیا به‌هارییه‌كان زیاد ده‌كات.
رووه‌كناس، رزگار مه‌رگه‌یی به‌ PUKmedia  ی راگه‌یاند؛ به‌و پێیه‌ی خاكی به‌پیتی كوردستان ئه‌گه‌ر له‌ ڕوانگه‌یه‌كی جوگرافی هه‌ڵوه‌سته‌ی له‌سه‌ردا بكرێت ، ده‌بینین خاڵێكی گرنگه‌ له‌ جیهاندا، كه‌ خاكێكی به‌پیت و به‌ره‌كه‌ته‌، به‌مه‌ش كشتوكاڵ به‌شی شێری له‌م سه‌رچاوه‌یه‌دا ده‌بینێت.

 كشتوكاڵی سروشتی هه‌م ل ڕووی ژینگ و هه‌میش بۆ جوانی ده‌شت و كێو ، وێڕای ئه‌مانه‌ش بۆ خواردن و هه‌روه‌ها وه‌ك ده‌رمانێكی میللی به‌كاردێن، چونكه‌ سروشت له‌ ژینگه‌یه‌كی پاك و زه‌ویه‌كی به‌پیت و به‌ره‌كه‌ت ئه‌نجام به‌رووبوومه‌كه‌ ده‌هێنێته‌ به‌رهه‌م .

ئه‌و گیا به‌هارییه‌ سروشتییانه‌ی ، كه‌ بۆ له‌شی مرۆڤ له‌ڕووی ته‌ندرووستیه‌وه‌ سوودێكی باش و ئه‌رێنی هه‌یه‌ ، له‌گه‌ڵ هاتنی به‌هار كاسبكارانی میوه‌ فرۆش زیاتر سه‌رقاڵی كڕین و فرۆشتنی گیا به‌هارییه‌كان ده‌بن خه‌ڵكی له‌ به‌ره‌به‌یانی زووه‌وه‌ ده‌چنه‌ چیاكانی وه‌ك زۆزك و كارۆخ و هه‌ندێن و له‌ولاشه‌وه‌ بۆ ده‌ڤه‌ری باڵه‌كایه‌تی وقه‌ راج وـ كۆیه‌ و سیده‌كان له‌وێ گیاـ به‌هاریه‌كان دێنن بۆ شار و لێره‌ش خه‌ڵكی به‌تامه‌زرۆوه‌ ده‌یكڕن.

 وتیشی: خواردنی گیا به‌هارییه‌كان تایبه‌ت مه‌ندی خۆی هه‌یه‌ بێجگه‌ له‌ له‌زه‌تی، بێگومان سودی زۆری بۆ ته‌ندروستیش هه‌یه‌. 

ئاماژه‌ی به‌وه‌شكرد، له‌زۆر شوێنی دونیادا ئه‌م جۆره‌ خواردنه‌ سرووشتییانه‌ ده‌بنه‌ ئه‌لته‌رناتیڤ بۆ داو ده‌رمان و شوێنی تایبه‌تیان هه‌یه‌ ، چونكه‌ وه‌ك ئاماژه‌مان پێكرد، له‌ژینگه‌یه‌كی وێنای پاكه‌وه‌ له‌ زه‌وی دێته‌ ده‌ره‌وه‌ بێ ئه‌وه‌ی ده‌ستكاری كرابێت. 

به‌هۆی زۆربوونی مرۆڤ هه‌میشه‌ ده‌بێته‌ سه‌رچاوه‌یه‌ك بۆ دابین كردنی بژێو جا چ ئه‌م بازاڕه‌ بریتی بێت له‌ كه‌ل و په‌لی پیشه‌سازی یان سروشتیه‌كان.

PUKmedia بیلال بارزان/ هه‌ولێر