دهوك.. پێشانگەهەکا کارێن دەستی بو ٢٠ ژن و کچان هاتە ڤەکرن

ب بەشداریا ٢٠ ژن وکچێن باژێرێ دهوکێ پێشانگەهەکا کارێن دەستێ ژ بەرهەمێ دەستێ وان ل پارکا نەوروز ل سەنتەرێ باژێرێ دهوکێ هاتە ڤەکرن ، ودڤێ پێشانگەهێ دا هەژمارەکا کارێن دەستی ژ درینا جل وبەرگا و نەخشە و جوانێن ناف مالا و کەل وپەلێن دی ێن جوانکاریا هاتنە نمایشکرن .
خوزیك ئەحمەد ، ئێك ژ بەشداربوێن ڤێ پێشانگەهێ بو سایتێ  puk میدیا گوت ، ئەف پیشانگەها کارێن دەستی یا مە هەژمارەکا هەڤالانە ، و بو دەمێ ٣ روژان دێ یا بەردەوام بیت وئەف کارە بەرهەمێ دەستێ مەیە و مفایێ ئابوری ژی وەك داهات ژ ڤان کارا  تارادەکێ ژێ دهێت ، خوزیکێ گوت ژی داخاز ژ لایەنێن پەیوەندیدار دکەین زێدەتر هاریکاری وپشتەڤانیا مە بکەن داکو بشێن داهێنانێ دکارێ خودا بکەین .. 
دهێتە زانین کو دڤێ پێشانگەهێ دا هەمی جورێن کارێن دەستی هاتن نمایشکرن .
PUKmedia بەیار ئامێدی - دهۆك