سه‌رۆك كۆمار: هه‌ڵه‌بجه‌ زامێكه‌ ساڕێژ نه‌بووه‌

به‌بۆنه‌ی 16-3 ڕۆژی كاره‌ساتی كیمیابارانی هه‌ڵه‌بجه‌، دكتۆر به‌رهه‌م ئه‌حمه‌د ساڵح سه‌رۆك كۆماری عیراق له‌ لاپه‌ڕه‌ی تایبه‌تی خۆی له‌ تۆیته‌ر په‌یامێكی بڵاو كردۆته‌وه‌ و نووسیویه‌تی: هه‌ڵه‌بجه‌ زامێكی ساڕێژ نه‌بوو و ئازارێكی له‌ یادنه‌چووه‌. 

ئه‌مه‌ش ده‌قی په‌یامه‌كه‌: 
د. به‌رھه‌م ساڵح، سه‌رۆك كۆماری عێراق: "ھه‌ڵه‌بجه‌ زامێكی سارێژ نه‌بوو، ئازارێكی له‌یاد نه‌چوو، به‌خه‌مێكی قووڵ وشكۆوه‌ یادی كیمیابارانكردنی ھه‌ڵه‌بجه‌ ده‌كه‌ینه‌وه‌، دووپاتده‌كه‌ینه‌وه‌ له‌ قه‌ره‌بووكردنه‌وه‌ی كه‌سوكاری قوربانیان وسارێژكردن وسرینه‌وه‌ ئاسه‌واری ئه‌و تاوانه‌ دڕنده‌یه‌ دژ به‌مرۆڤایه‌تی، سڵاو له‌ گیانی به‌رزه‌ فڕی پێنج ھه‌زار كۆتری سپی".
PUKmedia