هەڵەبجە.. تراژیدیایەكی رەش

ئەمڕۆ  34 ساڵ تێپەڕدەبێت بەسەر كارەساتی كیمیابارانكردنی هەڵەبجەو شەهید كردنی 5000 فریشتە و  برینداركردنی بەهەزاران كەهەتا ئێستاش بەدەم ئازارەوە دەناڵێنن.
لە 16-3-1988 دا رژێمی لەناوچوی بەعس هەستا بە كیمیابارانكردنی شاری هەڵەبجەو پێنج هەزار كەس لە مناڵ و ژن و پیاو و پیرو گەنج شەهیدبوون و ژمارەیەكی زۆریش ئاوارەی سنورەكانی ئێران بوون ئەمە جگە لەوەی چەندین كەس بەو چەكە برینداربون و تا ئێستاش بە ئازارەكانیانەوە دەناڵێنن.
كیمیابارانكردنی هەڵەبجە چەندین مناڵی بێ باوك و دایك كردو چەندین منداڵی بەتاقانەیی هێشتەوە و چەندین دایك و باوكیشی لە رۆڵەكانیان كردو چەندین خێزانیش سەرجەمیان گیانیان لە دەستداو تەنانەت باڵندەو گیاندارەكانیش كۆتا رۆژیانبوو، ئەم كارەساتە چەند باس بكرێت و یادبكرێتەوە هێشتا كەمە.

PUKmedia تایبەت