دەستكاری ھنەك جھێن شینواری دا دھێت كرن

بسپورەكا ئەندازیاری دبیاڤێ شینوارا دا دبێژیت ماوێ پێنچ سالە كولیژا ئەندازیاری ل زانكۆیا دهۆك مژویلی ئەكادیمیكرنا نویژەنكرنا ئاڤاهیێن شینواری وكەڤنارە ل پارێزكەها دهۆك.

د. شرین یۆنس، مامۆستا بسپۆر د ئەندازیاریا شینواری دا راگەھاند ژ سالا 2018 ێ تا نوكە مە سێ قۆناغ دەربازكرینە ودبیت هێشتا قۆناغ مابن و كونفرانسەكێ تێروتەسەل ئەنجامبدەین و راسپاردێن زانستی پێشكێشی لایەنێن پەیوەندیدار بكەین بۆ پاراستنا شینوار و ئاڤاهیێن گرێدای شارستانیا مە.

دكتورێ ئاماژە دا هندێ كو گەلەك كەس ب كرێتكرنا ڤان ئاڤاهیان رابووینە و چیمەنتۆ بكارئینایە یان هندەك بەرێن دگەل دیزاینێ ئاڤاهی نەگونجن بكارئیناینە، وەك نموونەك كو چیمەنتۆیا دروست بۆ ڤان ئاڤاهیان جۆرەكێ بەرایە د ناڤ ئاگری دا دهێتە حەلاندن، ئەو بەر ل ئامێدیێ هەنە وچمەنتۆیا وێ بۆ پتری 100 سالان خۆ رادگریت.

PUKmedia ئانا دیدار