سلێمانی چوارپارچەكەی كوردستان كۆدەكاتەوە

ئەندامێكی سەركردایەتی یەكێتیی نیشتمانیی كوردستان ڕایدەگەیەنێت لەم مانگەدا كۆڕی ژنانی كورد لەهەر چوار پارچەی كوردستان لەسلێمانی بەڕێوە دەچێت.

بلێسە جەبار فەرمان ئەندامی سەركردایەتی یەكێتیی نیشتمانیی كوردستان و ئەندامی كۆنگرەی نەتەوەی كوردستان لە لێدوانێكی تایبەتدا بە PUKmedia ی ڕاگەیاند: یەكێتی ژنانی كوردستان و كۆنگرەی نەتەوەی كوردستان(KNK) ئامادەكاری دەكەن بۆ بەڕێوەبردنی كۆڕی ژنانی چوارپارچەی لە شاری سلێمانی.

وتیشی: بڕیارە لەم مانگەدا بە ئامادەبوونی ژنانی هەر چوار پارچەی كوردستان كۆڕی ژنانی كورد لە سلێمانی ببەسترێت و هەر پارچەیەك بە بابەتی جیاواز بەشدار دەبێت، بەڵام بەگشتی ڕەوشی ژن و پرسەكانی تایبەت بە ژنان تاوتوێ دەكرێت.

ئەو ئەندامەی سەركردایەتی یەكێتیی نیشتمانیی كوردستان ڕاشیگەیاند: كۆڕەكە یەك ڕۆژ دەخایەنێت. 
PUKmedia تایبەت