بلیمه‌ته‌ بچكۆلانه‌كه‌ی سلێمانی بناسه‌

نیوه‌ڕۆی ئه‌مرۆ چوارشه‌ممه‌ 9-2-2022 مامۆستا به‌كر محه‌مه‌د به‌ڕێوه‌به‌ری په‌روه‌رده‌ی ڕۆژئاوا له‌ دیوانی په‌روه‌رده‌ چاوی به‌بلیمه‌تی بچكۆلانه‌ كاكه‌ ئه‌حمه‌د زانیار له‌تیف كه‌وت، كه‌ خوێندكاری قۆناغی سێی بنه‌ڕه‌تییه‌ له‌ قوتابخانه‌ی ئه‌زمه‌ڕو خوای گه‌وره‌ به‌هره‌و ژیرییه‌كه‌ی پێبه‌خشیووه‌ كه‌ له‌ ئاست ته‌مه‌نی و هاوپۆله‌كانیدا زیاتره‌و به‌پێی تاقیكردنه‌وه‌كانی هه‌ڵسه‌نگاندن بۆ ده‌رخستنی ئاستی زانستی و ژیری پله‌یه‌كی به‌رزی به‌ده‌ستهێناوه‌.

هاوكات له‌ چوارچێوه‌ی سه‌ردانی سه‌رپه‌رشتیارانی په‌روه‌رده‌یدا بۆ قوتابخانه‌و خوێندنگه‌كان توانراوه‌ ئه‌و ئاست به‌رزیه‌ی كاكه‌ ئه‌حمه‌د له‌ رووی ژیرییه‌وه‌ دیاری بكرێت و كار بۆ ئه‌وه‌ بكرێت له‌رێگه‌ی هاندانی زیاترو پێشكه‌شكردنی رێنمایی و ده‌ستگیرۆیی زیاتره‌وه‌ تواناكانی زیاتر په‌ره‌ پێ بدرێت و به‌ ناوه‌نده‌ زانستی و ئه‌كادیمیه‌كان بناسێندرێت.

 كاكه‌ ئه‌حمه‌د ئێستا به‌ده‌ر له‌خوێندن حه‌زو ئاره‌زویه‌كی زیاتری بۆ بواری ته‌كنه‌لۆژیاو ئه‌لیكترۆنیات هه‌یه‌و به‌رێوه‌به‌ری په‌روه‌رده‌ش وێرای هیوا خواستنی ته‌مه‌ن درێژی و له‌شساغی بۆی به‌ڵێنیدا له‌ رووی په‌روه‌رده‌ییه‌وه‌ هاوكارێكی ته‌واوی كاكه‌ ئه‌حمه‌دو خوێندكاره‌ به‌هره‌دارو بلیمه‌ته‌كانی هاوشێوه‌ی بێت بۆ ئه‌وه‌ی بتوانن له‌رێگه‌ی خوێندنه‌وه‌ په‌ره‌ی زیاتر به‌ توانا زانستیه‌كانیان بده‌ن.

PUKmedia ته‌له‌فزیۆنی په‌روه‌رده‌یی