عیراق.. ژماره‌یه‌ك كۆشكی كۆماری ده‌كرێنه‌ مۆزه‌خانه‌

فه‌رمانگه‌ی كۆشكه‌ كۆمارییه‌كان له‌ئه‌میندراێتی گشتی ئه‌نجومه‌نی وه‌زیران چه‌ند داوایه‌كی ته‌رخانكردنی (3) شوێنی سه‌رۆكایه‌تی ره‌وانه‌ی لیژنه‌ی ته‌رخانكردنی موڵكه‌كانی ده‌وڵه‌تی بۆ وه‌زاره‌ته‌كان و لایه‌نه‌ نه‌به‌ستراوه‌كان به‌وه‌زاره‌ت كرد تاوه‌كو بكرێنه‌ سه‌نته‌رو مۆزه‌خانه‌.

ئه‌مێندارێتی گشتی ئه‌مڕۆ سێشه‌ممه‌ 8-2-2022 له‌ڕاگه‌نراوێكیدا ئاشكراشیكرد ئه‌و داواكارییانه‌ی پێشكه‌شكراون به‌ مه‌به‌ستی كردنی ئه‌و شوێنه‌ سه‌رۆكایه‌تییانه‌یه‌ بۆ مۆزخه‌خانه‌ی كه‌لتووری و پارك و شوێنی سه‌وزایی و سه‌نته‌ر بۆ راهێنانه‌وه‌ی برینداران و قوربانیانی كرده‌وه‌ تیرۆرستییه‌كان، هه‌روه‌ها كردنیان به‌ سه‌نته‌ری نیشتمانیی بۆ چاره‌سه‌ری قوربانیانی ماده‌ هۆشبه‌ره‌كان و كارتێكراوه‌ ژیرییه‌كان و راهێنانه‌وه‌یان.

فه‌رمانگه‌كه‌ ده‌ستیكردووه‌ به‌ئاماده‌كردنی داتابه‌یسێك له‌باره‌ی ئه‌و جێگه‌یانه‌و هه‌روه‌ها پێكهێنانی تیمێكی هونه‌ری به‌مه‌به‌ستی ئه‌نجامدانی ده‌رخسته‌و سه‌ردانی مه‌یدانی بۆ شوێنه‌ سه‌رۆكایه‌تییه‌كان و پێشكه‌شكردنی بۆچوونی هونه‌ری و ده‌وڵه‌مه‌ندكردنی داتابه‌یسه‌كه‌ به‌داتاو زانیاری ته‌واوكاری.

فه‌رمانگه‌ی كۆشكه‌ كۆمارییه‌كان له‌و ماوه‌یه‌ی دامه‌زراوه‌و له‌ساڵی 2019ه‌وه‌ هه‌ڵساوه‌ به‌ئه‌نجامدانی ئه‌و ئه‌ركانه‌ی خراونه‌ته‌ سه‌رشانی له‌ئیداره‌دانی شوێنه‌ كۆمارییه‌كان له‌سه‌رجه‌م پارێزگاكانی عیراق و دیاریكردنی ئه‌و لایه‌نه‌ی زه‌وییه‌كه‌ی به‌ناوه‌وه‌یه‌و ئه‌و كۆشكه‌ كۆمارییانه‌ی له‌سه‌ر دروستكراوه‌.

PUKmedia ئه‌میندارێتی گشتی ئه‌نجومه‌نی وه‌زیران