مامۆستایانی خوێندنگایه‌ك به‌شێوه‌یه‌كی جیاواز وانه‌ ده‌ڵێنه‌وه‌

مامۆستایانی خوێندنگایه‌ك له‌ ته‌ق ته‌ق به‌شێوه‌یه‌كی جیاواز و سه‌رنج ڕاكێش وانه‌ به‌خوێنكاره‌كانیان ده‌ڵێنه‌وه‌.

له‌ خوێندنگای ته‌ق ته‌قی هاوڕێی بنه‌ڕه‌تی به‌شێوه‌یه‌كی جیاواز و سه‌رنج ڕاكێش مامۆستانی وانه‌ به‌ خوێنكارانی سه‌رجه‌م پۆله‌كان ده‌ڵێنه‌وه‌.

مامۆستا عومه‌ر عه‌بدوڵڵا به‌ڕێوه‌به‌ری خوێندنگای ته‌ق ته‌قی هاوڕێ به‌ PUKmedia ی ڕاگه‌یاند: ئامانجمانه‌ به‌شێوه‌ی كرداری ئه‌و وانانه‌ ئاشنای خوێنكاران بكه‌ین تاوه‌كو له‌ مێشك و هزری خوێندكار بمینێته‌وه‌و له‌بیری نه‌كه‌ن.

ڕاشیگه‌یاند: گرنگترین له‌و بابه‌تانه‌ی كه‌ خوێندنگاكان وتراونه‌ته‌وه‌ پیره‌ پیاوێكی نابینان هه‌ڵمه‌تی به‌بازار كردن بووه‌، وتیشی له‌و دوو وانه‌یه‌ هه‌م مامۆستا و هه‌میش خوێندكاره‌كانیان توانیویانه‌ به‌ته‌واوی به‌رجه‌سته‌ی بكه‌ن و نمایش بكه‌ن. 

به‌ڕێوه‌به‌ری خوێندنگای ته‌ق ته‌قی هاوڕێی بنه‌ره‌تی ڕوونیشی كردوه‌، له‌سه‌ره‌تای ئه‌و هه‌نگاوه‌دا هه‌ستیان به‌ به‌رزبونه‌وه‌ی توانای ئاستی زانستی لای خوێنكاران كردوه‌.

خوێندنگای ته‌قته‌قی هاوڕێی بنه‌ره‌تی سه‌ر به‌ به‌ڕێوبه‌رایه‌تی په‌روه‌رده‌ی كۆیه‌و له‌مساڵدا  575  سودمه‌ندن له‌ وه‌رگرتنی وانه‌ به‌سه‌ر 20پۆلدا دابه‌شبوون و 35 مامۆستاش وانه‌ ده‌ڵێنه‌وه‌.

PUKmedia كاروان نازم / ته‌ق ته‌ق