حه‌لبوسی وه‌ك سه‌رۆكی په‌رله‌مان هه‌ڵبژێردرایه‌وه‌

پرۆسه‌ی ده‌نگدان بۆ هه‌ڵبژاردنی سه‌رۆكی پێنجه‌مین خولی په‌رله‌مانی عیراق به‌ڕێوه‌چوو، تێیدا محه‌ممه‌د حه‌لبووسی توانی زۆرینه‌ی ده‌نگه‌كان به‌ده‌ستبهێنێت و ببێته‌وه‌ سه‌رۆكی په‌رله‌مان.

له‌ پرۆسه‌ی ده‌نگدانه‌كه‌دا بۆ هه‌ڵبژاردنی سه‌رۆكی په‌رله‌مانی عیراق 228 په‌رله‌مانتار ده‌نگیان داوه‌، له‌و ژماره‌یه‌ش 200 په‌رله‌مانتار ده‌نگیان بۆ محه‌ممه‌د حه‌لبووسی و 14 په‌رله‌مانتار ده‌نگیان بۆ مه‌حموود مه‌شهه‌دانی داوه‌و 14 ده‌نگیش پووچه‌ڵ بوون.

به‌ڕێوه‌چوونی پرۆسه‌ی ده‌نگدان بۆ هه‌ڵبژاردنی سه‌رۆكی په‌رله‌مان دوای تێكچوونی دۆخی ته‌ندروستیی مه‌حموود مه‌شهه‌دانی بۆ ماوه‌یه‌ك دواكه‌وت، به‌ڵام دواتر خالید ده‌ڕاجی سه‌رۆكایه‌تیی دانیشتنی ئه‌نجوومه‌نی نوێنه‌رانی عێراقی گرته‌ده‌ست، كه‌ له‌دوای مه‌حموود مه‌شهه‌دانی به‌ته‌مه‌نترین په‌رله‌مانتاره‌.

جێی ئاماژه‌یه‌، له‌هه‌ڵبژاردنه‌كه‌دا ئه‌ندامانی فراكسیۆنی یه‌كێتی له‌پێناو لایه‌ننه‌گیری هیچ ماڵێكی شیعی كه‌ له‌ئێستادا به‌سه‌ر دوو به‌شدا دابه‌شبوون، به‌شداری كۆبوونه‌وه‌كه‌یان نه‌كرد.
PUKmedia تایبه‌ت