راگەیەنراوی هاوبەشی یەكێتی و پارتی لەسەر پرسی هەڵبژاردن و دەستورو كۆمسیۆن

دوای كۆبوونەوەی وەفدی یەكێتی و پارتی لەبارەی پرسی هەڵبژاردن و دەستورو كۆمسیۆن رایگەیەنراوێكی هاوبەش بڵاوكرایەوەو رایانگەیاند: پێویستە  هەڵبژاردنەكانی  پەرلەمانی  كوردستان  لە كاتی  خۆیدا بكرێت  و  ئامادەسازیی نیشتمانیی  پێویست بكرێت و  تێگەیشتنی  هاوبەش  لەسەر میكانیزمە یاسایی  و سیاسیەكان بۆ ئەنجامدانی  هەڵبژاردن هەبێت. 

راگەیەنراوی  هاوبەشی  یەكێتیی نیشتمانیی  كوردستان و پارتی دیموكراتی  كوردستان لەسەر پرسی هەڵبژاردن و دەستورو كۆمسیۆن 
 لە چوارچێوەی هەماهەنگی و كاری پێكەوەیی  ( ی.ن.ك)  و ( پ.د.ك)، ئەمڕۆ 5ی كانونی دووەمی 2022  وەفدێكی   تایبەتی  یەكێتیی و پارتی  لەسەر پرسی دەستور  و هەڵبژاردن و  كۆمسیۆن، لە بارەگای  مەكتەبی سیاسی ( ی.ن.ك)   لەشاری  سلێمانی   كۆبونەوە و  هەردوولا هاوڕابوون  كە پێویستە  هەڵبژاردنەكانی  پارلەمانی  كوردستان  لە كاتی  خۆیدا بكرێت  و ئامادەسازیی نیشتمانیی  پێویست بكرێت و  تێگەیشتنی  هاوبەش  لەسەر میكانیزمە یاسایی  و سیاسیەكان بۆ ئەنجامدانی  هەڵبژاردن هەبێت.
 هەردولا كۆكبون  پێكەوە  كار بۆ بەهێزكردنی  متمانەی هاووڵاتیان  بەپرۆسەی هەڵبژاردن  تۆكمەتر بكرێتەوەو  پرۆسەیەكی  شەفاف  و سەركەوتوبێت. هەردوولا جەختیان  لەوە كردەوە بەپێی  رێككەوتنی  سیاسی  5ی 3ی  2019 ی نێوان  هەردوولاو  كۆبونەوەكانی  ئەم دواییانەی  هەردوو  حزب   بەگیانی   برایەتی  و  تەبایی  هەنگاوە  پێویستیە كرداری و یاساییەكان  لەسەر بنەمای بەرژەوەندی  باڵای  هەرێمی  كوردستان  بهاوێژرێن،  بڕیادرا  لە هەفتەی  داهاتوەوە  كۆبونەوەكان  بەردەوام بێت.
 یەكێتیی نیشتمانیی  كوردستان       پارتی دیموكراتی  كوردستان 
5ی كانونی  دووەمی  2022

PUKmedia