چاره‌سه‌ری ده‌روونی بۆ ژنانی ئێزیدی رزگاربوی ده‌ستی داعش ده‌كرێت

رۆژانه‌ كچ وژنێن ئێزدی یێن رزگاربووی قه‌ستا سه‌نته‌ری چاره‌سه‌ریا ده‌رونی دكه‌ن لدهوكێ و هه‌موو خزمه‌تێن ته‌ندروستی دگه‌ل یێن ده‌روونی وجڤاكی بۆ وان دهێنه‌ پێشكیشكرن".

داخاز محه‌مه‌د، رێڤه‌به‌را سه‌نته‌رێ‌ چاره‌سه‌ری و پشته‌ڤانیا كچ وژنان ل پارێزگه‌ها دهۆكێ‌ دیاركر:" ب رێیا نۆشدار وچاره‌سه‌ركارێن ده‌روونی كچ ، وژنێن ئێزدی دهێنه‌ چاره‌سه‌ركرن، ئه‌ڤێن ل سه‌ر ده‌ستێن تیرۆرستێن داعش دا تووشی گه‌له‌ك نه‌خۆشیان بووینه‌ كو داعش بووینه‌ ئه‌گه‌ر ده‌روونێ كچان تێك بچیت

 هه‌روه‌سا گوت رێڤه‌به‌ریا گشتی یا ساخله‌میا دهۆكێ‌ شیایه‌ سه‌نته‌ره‌كێ‌ تایبه‌ت ڤه‌كه‌ت دناڤ سه‌نته‌ری دا چاره‌سه‌ری وپشته‌ڤانیا كچ وژنان بهێته‌ كرن". وتانوكه‌ هزار و 427 كه‌ج وژن هاتینده‌ چاره‌سه‌ركرن . 

داخاز محه‌مه‌د، گۆتژی:" ده‌مێ‌ كچ ل ژێر ده‌ستێن رێكخراوا تیرۆرستێن داعش رزگاردبن ل ده‌ستپێكی قه‌ستا سه‌نته‌ری دكه‌ن ئه‌م هه‌موو پێكڤه‌  هێدی هێدی كار ل سه‌ر باشكرنا ده‌روونێ‌ كچێن رزگاربوویی دكه‌ین، هه‌تا باش چاره‌سه‌ردبن و گۆت: گه‌له‌ك حاله‌ت هه‌بووینه‌ كچێن رزگاربووی شیاینه‌ ببنه‌ نموونه‌ دناڤ خه‌لكی دا،  تیم ژی هه‌نه‌ ئه‌و كچێن نه‌شێن قه‌ستا سه‌نته‌ری بكه‌ن ئه‌م دچینه‌ دناڤ كه‌مپان ل مالێن وان چاره‌سه‌ریا وان دكه‌ین".

PUKmedia به‌یار ئامێدی