پێشمەرگە دێرینەكانی كەركوك: هاوپەیمانی كوردستان سەردەخەین

ئەمڕۆ 16-8-2021، لەهۆڵی شەهیدی  سەركردە ئازاد هەورامی محەمەد عوسمان و لیوا هیوا عەبدوڵڵا ئەندامانی سەكردایەتی یەكێتیی نیشتمانیی كوردستان سەرپەرشتی كۆبونەوەیەكیان لەگەڵ پێشمەرگە دێرینەكانی كوردستان لەكەركوك كرد.

لەكۆبونەوەكەدا گفتوگۆ لەبارەی هەڵبژاردنی داهاتووی پەرلەمانی عیراق كرا و گرنگی ئەو هەڵبژاردنە بۆ چارەنووسی ناوچە جێناكۆكەكان ڕوونكرایەوە.

داوا لەپێشەرگە دێرینەكان كرا هانی هاووڵاتیان بدەن بەشداری لەهەڵبژاردنەكەدا بكەن، لەبەرامبەریشدا پێشمەرگە دێرینەكانی كەركوك بڕیاریاندا كار بۆ سەرخستنی لیستی هاوپەیمانی كوردستان و كاندیدانی لەكەركوك بكەن.
PUKmedia محەمەد ئەحمەد- كەركوك