سلێمانی.. ئاسایش 8 تۆمه‌تبار ده‌ستگیر ده‌كات

له‌سێ چالاكی جیاوازدا ئاسایشی پارێزگای سلێمانی هه‌شت كه‌سی به‌ تۆمه‌تی بازرگانیكردن به‌ ماده‌ی هۆشبه‌وه‌ ده‌ستگیر كردووه‌.

هێزه‌كانی به‌ڕێوه‌به‌رایه‌تی ئاسایشی پارێزگای سلێمانی، له‌سه‌ر ڕێنمایی و فه‌رمانی ده‌زگای ئاسایشی هه‌رێمی كوردستان و به‌بڕیاری دادوه‌ر، دوای كۆكردنه‌وه‌ی زانیاری ورد و به‌دواداچون ، به‌مه‌به‌ستی ڕێگریكردن له‌ بازرگانیكردن و بڵاوكردنه‌وه‌ی مه‌وادی هۆشبه‌ر ، توانرا له‌ سێ چالاكی جیاوازدا ( ٨ ) هه‌شت كه‌س ده‌ستگیربكرێت و ده‌ستبگیرێت به‌سه‌ر بڕی ( ٦٫٢٨ ) كگم حه‌شیش و كریستاڵ ، له‌ناو شاری سلێمانی دا به‌تۆمه‌تی بازرگانیكردن به‌مه‌وادی هۆشبه‌ر به‌ مه‌به‌ستی بردنی بۆده‌ره‌وه‌ی هه‌رێم.

ڕۆژی 8/6/2021 تۆمه‌تبار  (د ، م ، ح) له‌دایك بووی ساڵی ١٩٨١  له‌هه‌ڵمه‌تێكدا ده‌ستگیركرا كه‌ به‌سه‌دان پارچه‌ جگه‌ره‌ی  له‌ناو شاشه‌ی ( TV ) دا شاردبۆوه‌ ،  تۆمه‌تبار به‌پێی مادده‌ی ( ٣٠ ) مخدرات ڕاگیراوه‌ و ده‌ست به‌سه‌ر سه‌رجه‌م كه‌لوپه‌له‌كاندا گیراوه‌ .      

ڕۆژی 10/6/2021  توانرا سێ تۆمه‌تبار ده‌ستگیر بكرێن به‌ناوه‌كانی ( ٲ ، ٲ ، ف ) له‌دایك بوی ساڵی ١٩٧٩ ، ( هـ ، ع ، ز ) له‌دایك بووی ساڵی ١٩٨٩ ٫ ( ڕ ، ت ،ر ) له‌دایك بووی ساڵی ١٩٨‌۹   كه‌هه‌ستابون به‌ هێنانی بڕی  ( ٢٫٣٠٠ ) كگم حه‌شیش كه‌ له‌ناو (بلاجكتۆری لید) دا شاردبویانه‌وه‌ ، مه‌واده‌كه‌ ده‌ستی به‌سه‌ردا گیراو تۆمه‌تباران به‌فه‌رمانی دادوه‌ر  و به‌پێی مادده‌ی ( ٢٥-٢٦) له‌یاسای مخدرات ڕاگیراون . 

 ڕۆژی 10/7/2021 له‌چالاكیه‌كدا توانرا چواركه‌س ده‌ستگیربكرێن به‌ناوه‌كانی ( ٲ ، ٲ ، ف ) له‌دایك بووی ساڵی ١٩٩٣ ٫ ( ح ، ب ، خ ) له‌دایك بووی ساڵی ١٩٧٦ ( ر ، ع ، ح ) له‌دایك بووی ساڵی ٢٠٠٢ ، ( ٲ ، ٲ ، خ ) له‌دایك بووی ساڵی  ١٩٩٩ ٫ به‌تۆمه‌تی بازرگانیكردن به‌مه‌وادی هۆشبه‌ر له‌جۆری كریستاڵ و شاردنه‌وه‌ی له‌ سلایتی ئۆتۆمبێلدا كه‌ بڕه‌كه‌ی  ( ٣٫٩٨٠ ) كگم بووه‌ ، مه‌واده‌كه‌ ده‌ستی به‌سه‌ردا گیراوه‌ و تۆمه‌تباران به‌ پێی مادده‌ی  ( ٢٥ ) له‌یاسای مخدرات ڕاگیراون .

PUKmedia   به‌ڕێوه‌به‌رایه‌تی ئاسایشی پارێزگای سلێمانی