پاڵاوگە نایاساییەكانی دهۆك دادەخرێن

پارێزگارێ دهوكێ دگەل دەڤەرادارێ قەزا سیمێلێ و ژمارەكا رێڤەبەرێن پەیوەندیدار ب پالاوگەهێن كاشی كومبوو ، ودڤێ كومبونێ دا بریار هاتە دان پالاوگەهێن نەیاسایی و نە پێگیر ب رێنماێن وەزارەتا سامانێن سروشتی ودبنە سەدەمێ پیسكرنا ژینگەهێ بهێنە داێخستن.

دكۆمبوونێدا پشتی هەلسەنگاندن و شرۆڤەكرنا ئەگەرێن ژینگەهێ و رێنمایێن وەزارەتا سامانێن سروشتی و لایەنێن پەیوەندیدار و زێدەگاڤیێن دوان پالاوگەهاندا هاتینەكرن بریارهاتەدان هەتا رۆژا 25-8-2021 هەمی پالاوگەهێن نەیاسایی و دەرڤەی رێنمایان بهێنەگرتن.

پارێزگارێ دهۆكێ دوپاتكر كو ژپێخەمەت بەرژەوەندیا گشتی و نەهێلانا زێدەتر پیسبوونا ژینگەهێ و ژێدەرێن ئاڤێ و بەرهەمێ چاندن ئەڤ بریارە هاتەدان و هەر جهەكێ نەیاسایی و پێچەوانەی رێنمایان دێ هێتەگرتن و پێرابوونێن یاسایی دێ دگەلدا هێنەكرن.
دهێتە زانێن ل دەڤەرا پێشەسازیا كاشی سەرب قەزا سێمێلێ ڤە ب دەهان جهێن پێشەسازی لێهاتینە دانان ، و ژمارەكا پالاوگەهان لێ هەنە كو ب رەنگەكێ نە یاسایی كار لێ دكەن وبوینە سەدەمێ پێسكرنا ژینگرهێ ل دەڤەرێ.

PUKmedia بەیار ئامێدی