نەخۆشخانەكانی سنە پڕبوون لە تووشبوانی كۆرۆنا

بەڕێوەبەری گشتی تەندروستی سنە لەبارەی تەشەنەسەندنی كۆرۆنا هۆشدار دەدات و ڕایدەگەیەنێت كە نەخۆشخانەكانی شارەكە پڕ بووە لە تووشبوانی كۆرۆنا و چیتر شوێن نەماوە بۆ تووشبوان.

د. یوسفی بەڕێوبەری گشتی تەندروستی سنە ڕایدەگەیەنێت لە ئێستادا چوار ناوەندی حكومی و 4 ناوەندی كەرتی تایبەت سەرقاڵی چارەسەركردنی تووشبوانی كۆرۆنان.

بەڕێوەبەری گشتی تەندروستی سنە ڕاشیگەیاند: چاودێركردنی شوێنە گشتییەكان و بازار بۆ بەرەنگاربوونەوەی كۆرۆنا لاوازە و داوای كرد كە شوێنە گشتییەكان، پارك و شاری یاری دابخرێن و ڕێگە بە نوێژی بەكۆمەڵ و بەڕێوەچوونی مەراسیمی ئایینی نەدرێت بەمەبەستی خۆپارێزی هاووڵاتیان. 

لەسەرەتای سەرهەڵدانی كۆرۆنا تا ئێستا هەزار و 432 كەس بەهۆی كۆرۆنا لە پارێزگای سنە مردوون. 

PUKmedia  ئاژانسەكانی ئێران