تالیبان: جه‌نگ له‌ ئه‌فغانستان كۆتایی هات

وته‌بێژی تالیبان ڕایگه‌یاند: جه‌نگ له‌و وڵاته‌ كۆتایی هاتووه‌ و ئه‌مه‌شه‌ ده‌ستكه‌وتی فیداكاریی 20 ساڵه‌ی تالیبانه‌.

محه‌مه‌د نه‌عیم وته‌بێژی تالیبان دوای كۆنترۆڵكردنی كابولی پایته‌خت ڕایگه‌یاند: ئه‌مڕۆ ڕۆژێكی گه‌وره‌یه‌ بۆ گه‌لی ئه‌فغانستان و تالیبان و جه‌نگ له‌ وڵات كۆتایی هات.

 ئه‌مه‌ له‌كاتێكدا دوای ئه‌وه‌ی كه‌ ئه‌شره‌ف غه‌نی سه‌رۆك كۆماری ئه‌فغانستان وڵاتی به‌جێهێشت له‌ڕاگه‌یه‌نراوێكدا ڕایگه‌یاند: بۆ ئه‌وه‌ی خوێنی خه‌ڵك نه‌ڕژێت وڵاتی به‌جێهێشتووه‌. 

حامد كارزای سه‌رۆكی پێشووتری ئه‌فغانستان ڕایگه‌یاندووه‌ ئه‌نجومه‌نێكی هه‌ماهه‌نگی به‌ ئامانج ئاشتی و گواستنه‌وه‌ی ده‌سه‌ڵات به‌شێوه‌ی ئاشتیانه‌ پێكهاتووه‌. 

PUKmedia ئاژانسه‌كان