ئه‌نجامی تاقیكردنه‌وه‌كانی 12ی ئاماده‌یی كه‌ی راده‌گه‌یه‌نرێت ؟

له‌ PUKmedia وه‌ كاتی راگه‌یاندنی ئه‌نجامی تاقیكردنه‌وه‌ی 12 ی ئاماده‌یی راده‌گه‌یه‌نرێت

سه‌رپه‌رشتیارێكی په‌روه‌رده‌یی كاتی راگه‌یاندنی ئه‌نجامی ئه‌زموونه‌گشتیه‌كانی قۆناغی 12ی ئاماده‌یی راده‌گه‌یه‌نێت وئاماژه‌ به‌وه‌شده‌كات له‌ ئه‌زمونه‌كانی ئه‌مساڵی ئه‌و قۆناغه‌ چه‌ند گرفتی ساڵانی رابردوو دووباره‌ بوه‌ته‌وه‌.

مامۆستا عیسا حسێن سه‌رپه‌رشتیاری په‌روه‌رده‌یی  به‌ PUKmedia ی راگه‌یاند: دوای ئه‌وه‌ی ئه‌مڕۆ ئه‌زموونه‌ گشتیه‌كانی قۆناغی 12ی ئاماده‌یی ته‌واوبوو ، بڕیاره‌ له‌مڕۆوه‌ هه‌فته‌یه‌ك تا 10رۆژی تر ئه‌نجامه‌ ره‌سمییه‌كانی ئه‌و ئه‌زموونه‌ رابگه‌یه‌نرێت.

وتیشی:ئه‌مساڵ به‌شێوه‌یه‌كی گشتی ئه‌زموونه‌ گشتیه‌كان باش به‌ڕێوه‌چوو، به‌ڵام هه‌ندێك كێشه‌وگرفت به‌دیكرا،  كه‌ساڵانه‌ دووباره‌ ده‌بێته‌وه‌.

روونیشیكرده‌وه‌: یه‌كێك له‌و گرفتانه‌ ئه‌نجامدانی ساخته‌كاری و به‌كارهێنانی ته‌لنه‌لۆجیا ( بلوتوز) بۆ وه‌رگرتنی وه‌ڵامی پرسیاره‌كان له‌ده‌ره‌وه‌ی هۆڵی تاقیكردنه‌وه‌كان، ئه‌مه‌ جگه‌ له‌وه‌ی كێشه‌ی فێنككه‌ره‌وه‌و كاره‌با له‌هه‌ندێك هۆڵی تاقیكردنه‌وه‌كان هه‌بوو.

PUKmedia ته‌ها عه‌بدوڵڵا - هه‌ولێر