له‌پێناو جوتیاران وه‌زیری كشتوكاڵ داوایه‌ك له‌ وه‌زاره‌تی دارایی ده‌كات

بێگه‌رد تاڵه‌بانی وه‌زیری كشتوكاڵ و سه‌رچاوه‌كانی ئاو له‌هه‌رێمی كوردستان رایگه‌یاند: له‌پێناو دابه‌زاندنی نرخی ئالیك و پاڵپشتی كردنی پرۆژه‌كانی په‌له‌وه‌ر و ئاژه‌ڵ و سامانی ماسی له‌ هه‌رێمی كوردستان، ئه‌مڕۆ یه‌كشه‌مه‌ ٢٠٢١/٨/١٥  نوسراوێكی ره‌سمییان ئاراسته‌ی وه‌زاره‌تی دارایی و ئابوری كرد و تێیدا پێشنیاری لابردنی باجمان كرد له‌سه‌ر ێویا و پرۆتین، كه‌ له‌ئاماده‌كردنی ئالیك به‌كاردێت، به‌نوسراوی ژماره‌ (5618) له‌ 15/8/2021 .

دوای ئه‌وه‌ی نرخی ئالیك به‌رزبۆیه‌وه‌ له‌ بازاڕه‌كانی هه‌رێمی كوردستان، له‌ پێناو پاڵپشتی جوتیارانمان و به‌ره‌و پێشبردنی كه‌رتی كشتوكاڵ و پرۆژه‌كانی په‌له‌وه‌ر و ئاژه‌ڵ و سامانی ماسی، له‌ ڕێگای لابردنی باج له‌ سه‌ر ێۆیا و پرۆتین، هه‌وڵده‌دین نرخی ئالیك له‌ بازاڕه‌كانی هه‌رێمی كوردستان دابه‌زێنین، كه‌ بێگومان ئه‌وه‌ ئه‌ركێكی سه‌رشانی ئێمه‌یه‌ بۆ ئه‌وه‌ی بتوانین پاڵپشتی جوتیاران وخه‌ڵكی خۆمان بكه‌ین.

PUKmedia راگه‌یاندنی وه‌زاره‌تی كشنوكاڵ