زیاتر له‌ 500 هه‌زار ڤاكسینی ڤایزه‌ر گه‌یشته‌ عیراق

زیاتر له‌ 500 هه‌زار ژه‌مه‌ ڤاكسین له‌جۆری ڤایزه‌ر گه‌یشته‌ عیراق و بڕیاریشه‌ له‌سبه‌ینێوه‌ ده‌ست به‌دابه‌شكردن بكرێت.

كونسوڵخانه‌ی ئه‌مریكا له‌هه‌ولێر رایگه‌یاندوه‌، ئه‌مڕۆ زیاتر له‌ 500 هه‌زار ژه‌مه‌ ڤاكسینی دژه‌ كۆرۆنا له‌جۆری ڤایزه‌ر كه‌ ئه‌مریكا به‌خشیویه‌تی له‌ رێی هاوپه‌یمانیی جیهانی بۆ دابینكردنی ڤاكسین (COVAX) گه‌یشته‌ عیراق.

له‌ راگه‌یه‌نراوه‌كه‌یدا كونسوڵخانه‌ی ئه‌مریكا له‌هه‌ولێر راشیگه‌یاندوه‌، باشترین ڕێگای كۆتاییهێنان به‌م په‌تایه‌ بریتیه‌ له‌ پێدانی ڤاكسین به‌ هه‌موو ئه‌وانه‌ی ده‌گونجێت ڤاكسین وه‌ربگرن و هیچ كه‌سێك سه‌لامه‌ت نیه‌ هه‌تاوه‌كو هه‌موان له‌ گشت ناوچه‌كانی جیهان سه‌لامه‌ت ده‌بن.

PUKmedia راگه‌یاندنی كونسوڵخانه‌ی ئه‌مریكا له‌هه‌ولێر