عیراق.. 66 كەسی تر بەكۆرۆنا گیانیانلەدەستدا

وەزارەتی تەندروستی ژینگەی عیراق بڵاویكردەوە كە لەماوەی 24 سەعاتی رابردوودا 7 هەزارو 11 حاڵەتی نوێی كۆرۆنا تۆماركراون و 9 هەزار و 379 توشبوون ڤایرۆسەكەیان تێپەڕاندووەو چاكبوونەتەوە.

راشیگەیاندووە: لەماوی 24 سەعاتی رابردوودا 66 كەس بەهۆی كۆرۆناوە گیانیان لەدەستداوە.

وەزارەتی تەندروستی عیراق ئاماژەی بەوەشداوە، لەماوەی 24 سەعاتی رابردوودا، 87 هەزارو 423 كەس ڤاكسینی دژ بەكۆرۆنایان وەرگرتووەو، بەوەش تا ئێستا 2 ملیۆن 558 هەزار و 730 كەس بەڤاكسینی دژ بەڤایرۆسەكە كوتراون. 

بەگوێرەی راگەیەنراوەكەی وەزارەتی تەندروستی فیدڕاڵ، لەسەرەتای بڵاوبوونەوەی ڤایرۆسی كۆرۆنا لەعیراق، تا ئێستا ملیۆنێك و 775 هەزارو 764 كەس تووشی ڤایرۆسەكە بوون، ملیۆنێك و 596 هەزارو 50 توشبووش ڤایرۆسەكەیان تێپەڕاندووەو چاكبوونەتەوە، كە دەكاتە رێژەی لە 89.9%، هەروەها 19 هەزارو 672 كەسیش بەهۆی ڤایرۆسەكەوە گیانیان لەدەستداوە.

PUKmedia