یه‌كێك له‌ ئه‌ستێره‌كانی پێشووی تۆپی پێ كۆچی دواییكرد

پاشنیوه‌رۆی ئه‌مڕۆ یه‌كشه‌ممه‌ 15-8-2021 گێرد مۆله‌ر یه‌كێك له‌ ئه‌ستێره‌كانی پێشووتری تۆپی پێی جیهان و ئه‌ڵمانیا له‌ ته‌مه‌نی 75 ساڵی كۆچی دواییكرد .

مۆله‌ر سێیه‌م گۆڵكاری مێژووی جامی جیهانییه‌و بۆ ماوه‌یه‌كی زۆر نازناوی گۆڵكاری مێژوو بوو به‌ تۆماركردنی 14 گۆڵ له‌ 13 یاری .

شانبه‌شانی  مێسی یه‌كه‌م یاریزان بوو له‌ ساڵێكدا 85 گۆڵ بكات و له‌گه‌ڵ ئه‌ڵمانیاش له‌ 62 یاری 68 گۆڵی كردووه‌.

بۆمبه‌ره‌كه‌ی پێشوو خاوه‌نی نازناوێكی جامی جیهانی و یۆرۆیه‌ك و 3 نازناوی خولی یانه‌ پاڵه‌وانه‌كانی ئه‌وروپایه‌ له‌گه‌ڵ بایرن میونشن و بالۆن دۆرێكیشی بردۆته‌وه‌ .

PUKmedia به‌شی وه‌رزش