عیراق.. نزیكه‌ی 8 هه‌زار حاڵه‌تی نوێی توشبووی كۆرۆنا تۆمار ده‌كرێت

له‌ڕاگه‌یه‌نراوێكی وه‌زاره‌تی ته‌ندروستی ژینگه‌ی عیراق كه‌ ئه‌مڕۆ یه‌كشه‌ممه‌ 14ی ئابی 2021 بڵاوكراوه‌ته‌وه‌ و وێنه‌یه‌كی ده‌ست PUKmedia كه‌وتووه‌، تێیدا هاتووه‌، له‌ماوه‌ی 24 سه‌عاتی رابردوودا  7 هه‌زارو 610 حاڵه‌تی نوێی كۆرۆنا تۆماركراون و 10 هه‌زار و 78 توشبوون ڤایرۆسه‌كه‌یان تێپه‌ڕاندووه‌و چاكبوونه‌ته‌وه‌.

راشیگه‌یاندووه‌، له‌ماوی 24 سه‌عاتی رابردوودا 65 كه‌س به‌هۆی كۆرۆناوه‌ گیانیان له‌ده‌ستداوه‌.

وه‌زاره‌تی ته‌ندروستی عیراق ئاماژه‌ی به‌وه‌شداوه‌، له‌ماوه‌ی 24 سه‌عاتی رابردوودا، 26 هه‌زارو 210 كه‌س ڤاكسینی دژ به‌كۆرۆنایان وه‌رگرتووه‌و، به‌وه‌ش تائێستا 2 ملیۆن 503 هه‌زار و 335 كه‌س به‌ڤاكسینی دژ به‌ڤایرۆسه‌كه‌ كوتراون.

به‌گوێره‌ی راگه‌یه‌نراوه‌كه‌ی وه‌زاره‌تی ته‌ندروستی فیدڕاڵ، له‌سه‌ره‌تای بڵاوبوونه‌وه‌ی ڤایرۆسی كۆرۆنا له‌عیراق، تا ئێستا ملیۆنێك و 768 هه‌زارو 753 كه‌س تووشی ڤایرۆسه‌كه‌ بوون، ملیۆنێك و 586 هه‌زارو 671 توشبووش ڤایرۆسه‌كه‌یان تێپه‌ڕاندووه‌و چاكبوونه‌ته‌وه‌، كه‌ ده‌كاته‌ رێژه‌ی له‌ %89.7، هه‌روه‌ها 19هه‌زارو 606 كه‌سیش به‌هۆی ڤایرۆسه‌كه‌وه‌ گیانیان له‌ده‌ستداوه‌.

PUKmedia / دواداچوون