بەریتانیا پێشبینی گەڕانەوەی قاعیدە دەكات

وەزیری بەرگری بەریتانیا ترسی لە دووبارە سەرهەڵدانەوەی قاعیدە هەیە لە كاتێكدا كە تاڵیبان دەست بەسەر ئەفغانستاندا بگرێیت.

لەوبارەیەوە بێن والاس وەزیری بەرگری بەریتانیا  نیگەرانی  خۆی دەربڕی و رایگەیاند: نیگەرانین ئەفغانستان بەرە و دەوڵەتێكی شكست خواردوو  ھەنگاو  دەنێیت كە لەوانەیە ببێتە ناوچەیەكی لە بار  بۆ زیادبوونی  چەكدارانی قاعیدە و كێڵگەیەك بۆ بەرھەم ھێنانی ئەو جۆرە گروپ و ملیشیایانە.

وەزیری بەرگری بەریتانیا وتیشی: ئەفغانستان بەرەو شەڕی ناوخۆ ھەنگاو دەنێیت و دەبێت رۆژئاوا لەوە تێبگات كە تاڵیبان تاكە قەوارەیەك نییە بەڵكو ناونیشانێكە بۆ بەرژەوەندی یەكی گەورە لەو كێبڕكێدیەدا وتیشی، قەندەهار كە دووەم گەورەترین شاری ئەفغانستانە لەگەڵ شارۆچكەی لەشكر گەح  ئێستا لە دەست تاڵیباندایە و لەوانەیە قاعیدە جارێكیتر بگەڕێتەوە.

   PUKmedia ئەركان شاوازی
سەرچاوە.. Reuters, London