كوچبەر رێكا مرنێ دگرنەبەر ژبو پەیداكرنا ژیانەكا ئارام

ئەورپا وەلاتێ بیلاروسیا تومەتباركر كو كوچبەرا وەك چەكەك دژی لیتوانیا بكاردئینیت وبیلا روسیا ئەو تومەتە رەتكربوون  .

هەروەسا دەرباری پرسال پەنابەرا وئاسیبوناژمارەكا پەنالبەرێن ئیراقێ وهەریما كوردستانێ دنافبەرا وەلاتێ بیلاروسیا ولیتوانیا  بەرپرسێ پەیوەندیێن دەرڤە یێن حكومەتا هەرێمێ، دەربارەی رەوشا كۆچبەرێن هەرێما كوردستانێ ل لیتوانیا، سەفین دزەیی و  لاندسپێرغیس وەزیرێ دەرڤە یێ لیتوانیا پەیوەندیەكا تەلەفونی ئەنجامدا. ، سەفین دزەیی ئاماژە ب وێیەكێ ژی كربو ، " رەوشا هژمارەكا كۆچبەران یا باش نینە، ژ بەر وێیەكێ داخاز ژ حكومەتا لیتوانیا كر بۆ ئێكلابونا چارەنڤیسێ وان، زێدەتر هەڤكار بن و رەوشا وان یا رۆژانە ب ساناهی بكەن.

 ژئالیێ خۆڤە وەزیرێ دەرڤە یێ لیتوانیا ڕاگەهاند: دخاست هەماهەنگیەكا تەمام هەبیت د ناڤبەرا حكومەتا عیراقێ و حكومەتا هەرێما كوردستانێ و حكومەتا لیتوانیا دا ب مەرەما چارەسەركرنا وی بابەتی ب تایبەتی بۆ رێگریكرنێ ل بازرگانیكرنێ ب مروڤان و گرتنەبەرا رێیێن نە یاسایی و قاچاخ كو ئەو بابەت ژ ئالیێ كومەكا خەلكی و پشكەك ژ كۆمپانیێن گەشتیاری هاتیە پەیرەوكرن و هندەك وەلاتان ژی رێك ڤەكریە كو ئەو خەلكە ب وی ڕەنگی بەرەڤ لیتوانیا ڤە بچن.

 هەروەسا د دەمێن دەربازبوویدا، حكومەتا لیتوانیا ڕاگەهاندبو ، زێدەتری چار هزار پەنابەران چووینە ناڤ وی وەلاتی دا كو پتریا وان عێراقی نە و حكومەتا بیلاروسیا ژی ڕاگەهاند، ٤٠ پەنابەر كو هژمارەكا وان زاڕوك و ژن بوون ژ لیتوانیا ڤەگەریانە دناڤ ئاخا بیلاروسیا دا و برین ل سەر لەشێ وان هەبوینە.
ل گوری گوتنا كەسانێن شارەزا دڤی بیاڤی دا دبێژن: سەدەمێن پەیدابوونا ڤێ دیاردێ ل ئیراقێ وهەرێما كوردستانێ ل ڤان سالێن داوێ بو گەلەك ئەگەرا دزڤرن و ژوانا رەوشا ئابوری یا خراب وپەیدابوونا شەرو ئالوزیان ونەبو ونا دەلیڤەێن كاری بو گەنجان وپەیدابوونا ب دەهان قەیرانا بوینە ئەگەر دیاردا كوجبەریێ ل ئیراقێ وهەرێما كوردستانێ بەرەف زێدەبوونێ ڤە بچیت.

PUKmedia بەیار ئامێدی