لەمساڵدا زیاتر لە 82 هەزار هاوڵاتی کۆچیان کردوە

دیاردەیا کوجبەرێ ل سەرانسەری وەلاتێن جیهانێ ب سەدەمێن جودا جودا بەردەوامە، پ تایبەت ل وان وەلاتێن روبەروی رەوشەکا خراب بوین ژئالیێ ئابوری و ئیمناهیێ ڤە ، و ل ئیراقی وهەرێما کوردستانێ ژی ، روژانە ب سەدان کەس سنورا دبەزینن ، وقەستا وەلاتێن ئەورپی دکەن ، ژبو پەیاکرنا ئارامگەهەکێ بو خو وخێزانێن خو وئو ل ڤان سالێن داویێ ژی چوونا خەلکێ ئیراقێ وهەرێما کوردستانێ بو دەرڤەی وەلاتی دزێدەبونێ دایە ، و ل گوری وان ئامار وداتاێن دهێنە بەلافکرن  .

داتا وئامارێن نێمچە فەرمی .

دشەش مەهێن دەرباز بوی ژ ئەف سالە زێدەتر ژ ( 82 ) هزار کەسان کو پرانیا وان گەنجن قەستا دەرڤەی وەلاتی کریە وکوچبەربوینە ، ژمارا کوچبەران دئەف سالە دا بەراوەردی دگەل سالا  2020 ب رێژەکا بەرجاف بلند بویە ، وگەهشتیە سەر ( 80 ) ژ سەدێ ، ول گوری راپورتەکا دەزگەهێ لوتکە یا تایبەت ب کاروبارێن پەنابەرا بەلافکریە ، هەر ژ سالا 2015  وتا نوکە زێدەتر ژ (622 هزار  245 کەس) ل ئیراقێ کو ژمارەکا مەزن ژوانا خەلکێ هەرێمێ نە ، چوینە دەرڤەی وەلاتی، و ژوانا ( 256 )  کەسان گیانێ خو ژ دەست دایە،  وتانوکە (173) کەس ژی بێسەروشین بوینە ، وبتنێ ( 11 ) کەس ب رێکا پشکنینێن DNA  هاتینە ناسین .

پەرلەمانێ ئیراقێ وپرسا کوچبەران ..

لژنا مافێ مرۆڤی ل پەرلەمانێ عێراقێ دەربارەی چارەنڤێسێ پرسا کۆچکرنا گەنجان بۆ دەرڤەی وەلاتی ڕەخنە ئاراستەی حکومەتا فیدڕالی کرن و ڕاگەهاند، سەدەمێ سەرەکیێ ڤێ ئاریشەیێ بێکارییە دناڤ گەنجاندا.

قوسەی شەبەکی ، ئەندامێ لژنا مافێن مرۆڤی ل پەرلەمانێ عێراقێ ڕاگەهاندبوو ، ئەم ب دلگرانیڤە پرسا کۆچکرنا گەنجێن عێراقێ بۆ وەلاتێن ئەورۆپا دبینن، بتایبەتی لسەر ڕەوشا کۆچبەرێن عێراقێ ل سنورێ هەردوو وەلاتێن بیلارۆس و لیتوانیا. وی ئەندامێ لژنا مافێ مرۆڤی ڕاگەهاند، سەدەمێ سەرەکیێ کۆچا گەنجان بۆ دەرڤەی وەلاتی بریتیە ژ بێکاریێ و نەبوونا دەرفەتێن کاری، هەر ژبەر وێیەکێ پێنگاڤان بۆ بدەستخستنا دەرفەتەکێ دهاڤێژن بۆ کو ل دەرڤەی عێراقێ ژیانەکا خۆشتر بدەستڤە بینن. قوسەی داخاز ژی کر، حکومەت و کەرتێ تایبەت و چاندنێ گەشە بکەت بۆ وێیەکێ برێژەیەکا دیارکری چارەسەریا ئاریشەیا کۆچکرن و ب جێهێلانا وەلاتی چارەسەر بکەت.

وەزارەتا کوچ وکوجبەرێن ئیراقی وپرسا کوجبەران .

هەر ل مەها دەربازبوی ژمارەکا پەنابەرێن ئیراقی دنافبەرا وەلاتێ لیتوانیا وبیلا روسیا ئاسێ مابوون، و رەوشا وان پەنابەرا گەلەك خرابوو،  ورێ ب وان نەدهاتە دان بچنە دناڤا وەلاتێ لیتوانیا ڤی یەکێ سەر ئاستێ وەلاتێن جیهانێ ،و رێکخراوێن مافێ مروڤان کارڤەدان لدیف خو ئینان ،حکومەتا ئیراقێ وەزارەتا کوچ وکوجبەران هاتبو سەرخەت وەزیرا کوچ وکوجبەرین ئیراقی راگەهاندبو: کو دێ هەفکاریا وان ئیراقیا کەن ێن ئاسی ماین و ڤەگەراندنا وان بو ئیراقی وهەر کەسێ نیاز هەبیت جارەکا دی ڤەگەرینە ئیراقێ ب ریکا وەزارەتا دەرڤە بهێنە ئاگەدارکرن بو ڤەگەراندنا وان

بێسەروشین بوونا کوچبەر وپەنابەران بەردەوامە ..

بێسەروشین بوونا کوچبەرا بەردەوامە و ل مەها دەربازبوی یا ئەف سالە ژی میدیایێن ئیتالیا بەلاڤکربوو، ٢٠٠ کۆچبەر ل دەریایا ناڤەڕاست ژ ئالیێ پۆلیسێن دەریایی یێن وی وەلاتی ڤە ژ خەندقینێ هاتنە رزگارکرن، کو هەشت کەس ژ وان خەلکێ هەرێما کوردستانێ بوون .هندەك ژ وانا چارەنڤیسێ وان نەدیارە
فیدڕاسیۆنا پەنابەران لسەرتاسەری عێراقێ ڕاگەهاندبوو ; کو بەلەمەک ل دەریایا ناڤەڕاست خراببوو و پۆلیسێن دەریاڤانیێن ئیتالیا هاتبونە هایدارکرن و د هەوارا ٢٠٠ کۆچبەران چوون ورزگارکرن ، دناڤا وان کەسێن دناڤا دەریایێ دا ئاسێ بوین هەشت وەلاتیێن هەرێما کوردستانێ هەبووین، کو سێ ژ وانا زارۆکن و کۆچبەرێن دی خەلکێ مسر و ئەڤغانستان و ئیرانێ بوون.
د دەما دوو حەفتیان دا ، بەلەمەک ب ٤٥ کۆچبەرانڤە ل دەریایا ئیجە بن ئاڤ ببو ، کو پتریا سەرنشینێن وی کوردبوون .

ئاسیبوونا کوچبەران دنافبەرا لێتوانیا وبیلاروسیادا.

دئەف سالەدا ول مەها دەرباز بوی ژمارەکا کوجبەرێن ئیراقی قەستا سنوری کرن ژ بو دەربازبونێ بو وەلاتێن ئورپا وب سەدان کوجبەر دنافبەرا وەلاتێن بیلا روسیا و لیتوانیادا ئاسێ مان وبونە سەدەمێ پەیدابونا گرژی وئالوزیان دنافبەرا ڤان هەدوو وەلاتێن ئەورپادا

دنویترێن بریاردا (ئەغنی بلوتایث ) ، وەزیرا نافخویا وەلاتێ لیتوانیا راگەهاندبو :کو هەر کوجبەرەکی ل سنورێ خو ببینن دڤەگوهێزنە کەمپێن سەربازی ،  ئوپاشان دێ هێنە ڤەگەراندن بو وەلاتێ بیلاروسیا و ئەف کارە ب تاوان وەسفکربو و راگەهاندبو: کو کوجبەر ب رێکێن قەدەغە دهێنە دناڤا سنورێ وەلاتێ وان،  ژلایێ خوڤە ( لاند بیر غیس ) وەزیرێ دەرڤە یێ لیتوانیا دسەرەدانا خودا دگەل وەزیرێ دەرڤەیێ ئیراقێ کومببو ، وداخازکر رێ ل وان کومپانیا بهێتە گرتن ێن کوجبەرا دبەنە وەلاتێ بیلا روسیا ، ژلایێ خو ڤو ئێکەتیا

PUKmedia راپورت / بەیار ئامێدی