ئەو پزیشکە ئیتالیەی لەهەرێم بەشی چارەسەری سوتاوی کردەوە کۆچی دوایی کرد

سەر لەبەیانی ئەمڕۆ دكتۆر جینۆ سترادا كۆچی دوایكرد،جینۆ دامەزرێنەرو بەڕێوەبەری گشتی ڕێكخراوی خێرخوازی ئیمێرجێنسی بوو كە بنكە سەرەكیەكەی لە   ئیتاڵیایە.
شایانی باسە جینۆ لەدوای ساڵانی نەوەتەكان چەندین بنكەی خێرخوازی ئێمێرجنسی لەكوردستان و عێراق كردۆتەوە لەوانەش ئیمێرجنسی نەشتەرگەری و سووتاوی لە (سلێمانی،هەولێر)كە ناوبراو ئەوكاتە خۆی وەكو پزیشكی نەشتەركار كاری تێداكردووە.
هەروەها كردنەوەی بنكەی ڕاهێناوەی ئێمێرجنسی بۆ  دروستكردنی پەلی دەسكرد و دووبارە ڕاهێنانەوەی كەمئەندامان لە سلێمانی .
ئەمە وێڕای چارەسەركردن و هاریكاریكردن و ناردنەدەرەوەی ئەو منداڵانەی كە دڵیان كونە لە كوردستان.
دكتۆر جینۆ سترادا دۆستی (هەژاران) و(لێقەوماوانی جەنگ وڕووداوە سروشتیەكان) بوو لەهەر شوێنێكی جیهاندا بووبێت  و كاری لەو پێناوەدا ئەكرد ،تا دواجار لە ۱۳ ئابی ۲۰۲۱ كۆچی دوایكرد

 PUKmedia ئامادەكردنی ئاری سالار