هونه‌رمه‌ندانی شێوه‌كاری كورد به‌شداری پێشانگای ژاپۆن ده‌كه‌ن

چه‌ندین هونه‌رمه‌ندی شێوه‌كاری كورد له‌ بواری چاپی گرافیك، ته‌كنیكی ئه‌كواتینت، ئیچینگ و درایپۆینیت به‌شدارییان پێشانگای یۆكۆهامای ژاپۆنیان كردووه‌. 

له‌وباره‌یه‌وه‌ هونه‌رمه‌ند ئاودێر عوسمان ڕایگه‌یاند: ڕۆژی 11-8-2021  یۆكۆماها بێنالێ و خولی 22 جالا له‌ شاری یۆكۆهامای ژاپۆن كرایه‌وه‌ و بۆ ماوه‌ی هه‌فته‌یه‌ك به‌رده‌وام ده‌بێت و تێدا 250 هونه‌رمه‌ند له‌ وڵاتانی جیاجیا به‌شدارن و ژماره‌یه‌ك هونه‌رمه‌ندی شێوه‌كاری كوردیش بۆ یه‌كه‌مین جار به‌شدار بوون و به‌رهه‌مه‌كانی خۆیان نمایش كردووه‌.

وتیشی هونه‌رمه‌ندانی كوردیش به‌ ناوی كۆرنه‌ری كوردستان به‌شداره‌ به‌ كۆرایتۆری و ڕێكخه‌ری سمكۆ ئه‌حمه‌د له‌گه‌ڵ 12 هونه‌رمه‌ندی كورد له‌وانه‌ش، ئیسماعیل خه‌یات، ئیسماعیا عومه‌ر، ئاودێر عوسمان، ئیلیاس كیركان، ئاراز حه‌مه‌ حسێن، سمكۆ ئه‌حمه‌د، ڕێبوار سه‌عید، كۆسار جه‌لال، ئه‌حمه‌د نه‌به‌ز، لاورانس كاماس، عه‌لی ڕه‌زا گه‌رمیان، هێرش سدیق و دڵشاد به‌هادین. 

ئه‌مه‌ بۆ یه‌كه‌مین جار ژماره‌یه‌ك هونه‌رمه‌ندی شێوه‌كاری كورد به‌شداری له‌ پێشانگایه‌كی وڵاتی ژاپۆن ده‌كه‌ن و به‌رهه‌مه‌كانی خۆیان نمایش ده‌كه‌ن.

PUKmedia