چەند حالەتێن نەخوشیا کولکا رەش ل پارێزگەها دهوکێ پەیدابووینە

رێڤەبەرا كاروبارێن خۆ پاراستنا ساخلەمییا دهوكێ ڕاگەهاند، نەخۆشییا كولكا ڕەش نەخۆشیەكا پیستی یە، هەرساڵ هندەك حالەت ل دەڤەرێن گوندنشین و دناڤ خودانێن تەرشوكەواڵیدا پەیدا دبن، ژ ئاژەڵێن نەخۆش دگەهیتە مرۆڤان، بەلێ‌ نەخۆشیەكا ڤەگر نینە، و چارەسەریا وێ یا بساناهییە.

دکتور سگڤان حسن ، رێڤەبەرێ خۆپاراستنا ساخلەمیێ خۆیاكر، پشتی تووشبوونا چەند كەسەكان ل پارێزگەها دهوك، ڕێڤەبەرییا ساخلەمیێ بهەڤكاری دگەل ڕێڤەبەرییا ڤیتەرنەری دەست ب هەوڵێن كۆنترۆڵكرنا وێ‌ نەخۆشیێ كرینە. هەروەسا گوت ژی: ئەف نەخوشیە نەیا ڤەگرە ژ مروڤان بو مروڤان ناهێتە ڤەگوهاستن وچارەسەری یا بو هەی ، دکتور سەکڤانی خویاکر ژی  کو ئەف نەخوشیە ل وەلاتێن دەوربەرێن مە هەیە وسالانە چەند حالەت پەیدادبن تایبەت دوەرزێ هشکەسالیێ دا  پەز وتەرش تەوال توشئ ڤێ بەکتریایێ دبن دەما گیایی دخون ، و دهێتە ڤەگوهاستن بو وان کەسان ێن سەرەدەریێ دگەل گیانەوەرا دکەن، وەکی شڤان و سەربرێن گیانەوەران ، لێ چ مەترسیا خو ل سەر ساخلەمیا مروڤان ناکەت وچارەسەری بو یا هەی.

PUKmedia بەیار ئامێدی