ئاماری 24 سه‌عاتی رابردووی كۆرۆنا له‌عیراق

له‌راگه‌یه‌نراوێكی وه‌زاره‌تی ته‌ندروستی و ژینگه‌ی عیراق كه‌ ئه‌مڕۆ پێنجشه‌ممه‌ 12ی ئابی 2021 بڵاویكردوه‌ته‌وه‌و كۆپیه‌كی ده‌ست PUKmedia كه‌وتووه‌و تێیدا هاتووه‌، له‌ماوه‌ی 24 سه‌عاتی رابردوودا 10 هه‌زارو 243 حاڵه‌تی نوێی كۆرۆنا تۆماركراوه‌و 9 هه‌زارو 848 توشبوون ڤایرۆسه‌كه‌یان تێپه‌ڕاندووه‌و چاكبوونه‌ته‌وه‌.

راشیگه‌یاندوه‌، له‌ماوه‌ی 24 سه‌عاتدا 64 كه‌س به‌هۆی كۆرۆناوه‌ گیانیان له‌ده‌ستداوه‌.

هه‌روه‌ها له‌ماوه‌ی 24 سه‌عاتی رابردوودا 100 هه‌زارو 200 كه‌سیش ڤاكسینیان وه‌رگرتووه‌و تا ئێستا كۆی ژماره‌ی ئه‌وانه‌ی ڤاكسینیان وه‌رگرتووه‌ گه‌یشتۆته‌ 2 ملیۆن و 408هه‌زارو 986 كه‌س.

وه‌زاره‌تی ته‌ندروستی عیراق ئاماژه‌ی به‌وه‌شداوه‌، له‌سه‌ره‌تای بڵاوبوونه‌وه‌ی ڤایرۆسی كۆرۆنا له‌عیراق، تا ئێستا یه‌ك ملیۆن و 751 هه‌زارو 176 كه‌س تووشی ڤایرۆسه‌كه‌ بوون و  یه‌ك ملیۆن و 566 هه‌زارو 703 توشبووش ڤایرۆسه‌كه‌یان تێپه‌ڕاندووه‌و چاكبوونه‌ته‌وه‌، كه‌ ده‌كاته‌ رێژه‌ی 89.5%، هه‌روه‌ها 19هه‌زار 466 كه‌سیش به‌هۆی ڤایرۆسه‌كه‌وه‌ گیانیان له‌ده‌ستداوه‌.

PUKmedia  وه‌زاره‌تی ته‌ندروستی عیراق