کەنار و نزار من غەریبمی سابیر کوردستانی نوێ دەکەنەوە

هونەرمەندان کەنار تەها و نزار زێوێی گۆرانی من غەریبم_ی هونەرمەندی کۆچکردوو سابیر کوردستانی نوێ دەکەنەوەو لە ساڵیادی کۆچێ دواییدا پێشکەشی رۆحی ئەو هونەرمەندەی دەکەن.

لەبارەی بەرهەمە نوێکەوە کەنار تەها بۆ PUKmedia وتی: من غەریبم یەکێکە لە خۆشترین گۆرانییەکانی مامۆستا سابیر کوردستانی و نوێترین بەرهەمی گروپی موزیکی لوڕە کە حەزمانکرد لە ساڵیادی کۆچی دواییەکەیدا پێشکەش بە ڕوحی مامۆستا سابیر کوردستانی بکەین..

وتیشی: ئەم بەرهەمە ئاوازو ھۆنراوەی سابیر کوردستانی_یە و ئامادەکردنی نزار زێوێی و لە ستۆدیۆی گروپی مۆزیکی لوڕ تۆمار کراوەو هاوکات میکس و ماسترینگ ی نزار زێوێی و وتنی کەنار تەها و نزار زێوێی.

ئەوەشی وت کە: لەم بەرهەمەدا ژەنیاران نزار زێوێی بە سێتار—یار و گۆڤەند عەبدوڵا بە عود و زۆراب مەحمود بە نای و هاوبەش جیهان بە گیتار—باس گیتار و میر ئامانج بە پێرکەیشن و بابان ئەحمەد بە قانون بەشدار بون.

هاوکات وێنەگرتنی بەرهەمەکە لەلایەن دیار مەھدییەوە کراوە.

PUKmedia تایبەت