كەركوك.. ناوەندەكانی پێدانی ڤاكسین بۆ دوو هێندە زیاد دەكرێت

تەندروستی كەركوك رایدەگەیەنێت: ژمارەی ئەو كەسانەی لەكەركوك خۆیان بەڤاكسینی دژ بەكۆرۆنا كوتاوە 94 هەزار كەسی تێپەڕاندوە.

بەڵێن سەمەد سەرپەرشتیاری بەشی ڤاكسینی دژ بەكۆرۆنا لەكەرتی دووی تەندروستی كەركوك بە PUKmediaی راگەیاند: هەڵمەتی كوتان بەڤاكسینەكە لەكەركوك زیادیكردوە.

وتیشی: بەبڕیاری فەرمانگەی تەندروستی كەركوك پێنج ناوەندی نوێی كوتان لەسنوری كەرتی دووی تەندروستی كەركوك زیادكراوە.

سەرچاوەیەكیش لەفەرمانگەی تەندروستی كەركوك ئاشكرایكرد: ژمارەی ناوەندەكانی كوتان بەڤاكسینەكە لەكەركوك لە51 ناوەندەوە دەكرێتە 102 ناوەند.

سەرپەرشتیاری  بەشی ڤاكسین لەكەرتی دووی تەندروستی كەركوك راشیگەیاند: لەماوەی 24سەعاتی رابردوو لەكەركوك 2400 كەس خۆی بەڤاكسینەكە كوتاوەو كۆی ئەوانەشی خۆیان كوتاوە لەكەركوك گەیشتۆتە 94هەزار و   510 كەس.

PUKmedia محەمەد ئەحمەد - كەركوك