د.سەباح نەسرەدین: بەكارهێنانی ڤاكسین هەنگاوی سەركەوتنە بەسەر كۆرۆنادا

د.سەباح نەسرەدین بەڕێوبەری گشتی تەندروستی سلێمانی لە بەرەی ڕەوشی كۆرۆنا و بارودۆخی نەخۆشخانەكان رایگەیاند، رۆژ بە رۆژ ژمارەی تووشبوانی كۆرۆنا ڕوویان لە بەرزبوونەوە كردووە بەشێوەیەك لە نەخۆشخانە تایبەتی و گشتییەكان لە بەشی چاودێری وورد شوێنی مانەوەی نەخۆش نەماوە و خۆپارێزییەكان لە ئاستی پێویستدا نین و ووتیشی بەڕێوبەرایەتی گشتی تەندروستی سلێمانی لە سێ ئاستدا بەرنامە و كارەكانی بۆ ڕووبەڕووبوونەوەی ڤایرۆسەكە دانا.

ئاستی یەكەم: وشیاری تەندروستی و پابەندبوونی هاووڵاتیان بە ڕێنماییە خۆپارێزییەكان
ئاستی دووەم: بەكارهێنانی ڤاكسینەكانی و كۆرۆنا، پێویستە هاووڵاتیان زیاتر پێكوتەی دژ كۆرۆنا وەربگرن.
ئاستی سێیەم: تووشبوون.
لە ئێستادا كار لەسەر ئاستی یەكەم و دووەم دەكرێت.
د.سەباح نەسرەدین راشیگەیاند: لەماوەی رابردوودا بۆ كەمكردنەوەی ڕێژەی تووشبوون كار لەسەر وەرگرتنی پلازما دەكرا بەڵام لە ئێستادا بەكارهێنانی ڤاكسین هەنگاوی سەرەكییە بۆ بەهێزبوونی بەرگری لەش و سەركەوتنی هاوڵاتیان بەسەر كۆرۆنادا لەبارەی ڕەوشی نەخۆشخانەكانیش ئەوەشی خستەڕوو پزیشكان و كارمەندان لە نەخۆشخانەكان و كلینیكە ڕاوێژكارییەكانی تایبەت بە كۆرۆنا گیرۆدەی دەستی ئەو نەخۆشانەن كە لەكاتی تووشبوون بە كۆرۆناچارەسەری هەڵەیان وەرگرتووە ئەمەش وادەكات بارودۆخیان تێكبچێت و نەتوانرێت بەپێی پێویست چارەسەریان پێ بدرێت
د.سەباح نەسرەدین بەڕێوبەری گشتی تەندروستی سلێمانی ئاماژەی بەوەشكرد سەرەڕایی پشكنینی هاوڵاتیان لە ناوەندەتەندروستییەكان لە ڕێگای تیمی گەڕۆكەوە پشكنین بۆ هاوڵاتیان دەكرێت و هاوڵاتیانیشی دڵنیاكردەوە گومانیان لە ڤاكسینەكان نەبێت هەرسێ جۆرەكەی ڤاكسین لە لایەن ڕێكخراوی تەندروستی جیهانیەوە ڕێگەیان پێدراوە و كۆمپانیای باوەڕ پێكراو دروستی كردوون
بەڕێوبەری گشتی تەندروستی سلێمانی وتی وەك بەڕێوبەرایەتیمان پێویستمان بە بیست و شەش هەزار كارمەندن و پزیشكە تا لە ئاستێكی مام ناوەندا خزمەتگوزاری تەندروستی پێشكەش بە هاوڵاتیان بكرێت بەجۆرێك كە ئێستا چواردە هەزار كارمەندن و پزیشكی هەیە و 50% لایەنی مرۆیی بۆ كۆرۆنا و خزمەتگوزارییەكانی دیكەیە كە ئەمەش ڕێژەیەكی كەمە بەڵام سەرەڕایی ئەوەش تەندروستی سلێمانی لە خزمەتگوزاری فریاكەوتندا لە ئاستێكی باشدایە بەراورد بە پارێزگاكانی ناوەڕاست و باشوری  عیراق.
لە كۆتایدا د.سەباح نەسرەدین سوپاسی كارمەندانی خۆبەخشی كرد بۆ كار و ئەركەكانیان لە بواری تەندروستی و ئەو خزمەتە گەورەی پێشكەشی دەكەن.
PUKmedia راگەیاندن و پەیوەندییەكانی بەڕێوەبەرایەتی گشتی تەندروستی سلێمانی