پەری مورادی: لەچەندین پێشبڕكێی پاسكیل سواریدا یەكەم بووم

پەری كەریم  مورادی ،تەمەن 29ساڵ، دانیشتوی شاری هەمەدانە، ماوەی 13ساڵە لەبواری وەرزشی پاسكیل سواریدا كاردەكات و بەشداری چەندین پێشبڕكێی پاسكیل سواری كردووە،پەری بۆ  PUKmedia  وتی: هەر بەمنداڵی حەزم لەپاسكیل سواری بووە و لەقوتابخانەكەمان بەشداری پیشبڕكێی ساڵانەم كردووە تاوای لێهات گەیشتمە ئەو ئاستەی بەشداری پێشبڕكێی پاسكیل سواری بكەم لەسەر ئاستی پارێزگاكان و دەوروبەری هەمەدان.
پەری وتیشی: لەزۆربەی پێشبڕكێكانی پاسكیل سواریدا بەشداریم كردووە كە خۆشبەختانە لە چوار پێشبڕكێدا پلەی یەكەمم بەدەست هێناوە و وابڕیاریشە لەسەر ئاستی سەرتاسەری ئێران بەشداری پێشبڕكێی پاسكیل سواری بكەم.
PUKmedia دیمانەی.. رێباز حەسەن كەڵهوڕیی