خورماڵ.. مامۆستایه‌ك قه‌ره‌بووی وانه‌ فه‌وتاوه‌كان ده‌كاته‌وه‌

له‌ناحیه‌ی خورماڵی سه‌ر به‌پارێزگای هه‌ڵه‌بجه‌ مامۆستایه‌ك له‌قوتابخانه‌ی ئاوێسه‌ری هاوڕێ و منداڵ ، سه‌ره‌ڕای بوونی پشووی هاوین، خوێندكارانی پۆلی یه‌كه‌م ده‌هێنێته‌وه‌ خوێندنگا و وانه‌یان پێ ده‌ڵێته‌وه‌، ئه‌و مامۆستایه‌ وتیشی، ئه‌و به‌هۆی ڕاگرتنی ده‌وام له‌وه‌رزی ڕابردوو نه‌توانراوه‌ وه‌رزی دووه‌می خوێندن ته‌واو بكرێت هه‌وڵده‌دات له‌م پشووی هاوینه‌دا قه‌ره‌بووی ئه‌وكاته‌ بكاته‌وه‌.

عه‌بدوڵڵا حه‌مه‌ غه‌ریب مامۆستا له‌قوتابخانه‌ی ئاوێسه‌ری به ‌PUKmedia  ی ڕاگه‌یاند: سه‌ره‌ڕای ئه‌وه‌ی پشووی هاوینی قوتابخانه‌ و خوێندنگاكانه‌، به‌ڵام خوێندكاره‌كان ده‌هێنمه‌وه‌ بۆ قوتابخانه‌و وانه‌یان پێ ده‌ڵێمه‌و،٫ به‌هۆی ڤایرۆسی كۆرۆنا و راگرتنی ده‌وامی خوێندنگاكان له‌ساڵی خوێندنی رابردوو ، مامۆستایان نه‌یانتوانی وه‌رزی خوێندن له‌كاتی خۆی ته‌واو بكه‌ن .

وتیشی: ده‌مه‌وێت له‌م وه‌رزی هاوینه‌دا قه‌ره‌بووی كاتی له‌ده‌ستچووی وه‌رزی خوێندنی ڕابردوو بكه‌مه‌وه‌، ڕۆژانه‌ خوێندكاران ده‌هێنێمه‌وه‌ ناو پۆل و وانه‌یان پێ ده‌ڵێمه‌وه‌.

ئه‌وه‌شی خسته‌ڕوو: قوتابخانه‌ی ئاوێسه‌ری  له‌ناحیه‌ی خورماڵ له‌پۆلی یه‌كه‌می بنه‌ڕه‌تی تاشه‌شه‌می بنه‌ڕه‌تی تێدا خوێندكار وانه‌ ده‌خوێنرێت .

ئاماژه‌ی به‌وه‌شكرد: زیاتر له‌ 455 خوێندكاری تێدایه‌ خوێندكارانی پۆلی یه‌كی بنه‌ڕه‌تی زیاتر له‌ 65 خوێندكارن و بۆ قه‌ره‌بووكردنه‌وه‌ی وه‌رزی دووه‌می خوێندنی ساڵی ڕابردوو نزیكه‌ی 45 خوێندكارانیان له‌م پشووی هاوینه‌دا دێنه‌وه‌ بۆ خوێندنگا ڕۆژانه‌ .

ئه‌وه‌شی خسته‌ڕوو : سه‌ره‌ڕای خوێندن و پڕۆگرامی وه‌رزی دووه‌می خوێندن، مامۆستا  ڕێنمایی ده‌داته‌ خوێندكاران وه‌ك  سرودو شیعرو خوێندن بۆ خوێندكاران ،هانیان ده‌دات بۆ به‌رده‌وامی دان به‌خوێندن .

ئاماژه‌ی به‌وه‌شكرد:  ناحیه‌ی خورماڵ 12 قوتابخانه‌ و باخچه‌ی منداڵانی تێدایه‌ و زیاتر له‌ 7000 هه‌زار خوێندكار له‌وه‌رزی ڕابردوو خوێندنیان تێیدا ته‌واوكردووه‌.

PUKmedia محه‌مه‌د عه‌بدولڕه‌حمان/  شاره‌زوور