ساڵێك بەسەر كۆچی دوایی هونەرمەند سابیر كوردستانی تێدەپەڕێت

ساڵێك لەمەوبەر هونەرمەندی دەنگخۆشی كورد سابیر كوردستانی بەهۆی ڤایرۆسی كۆرۆناوە لە سلێمانی كۆچی دوایی كرد و ماڵئاوایی لە هونەر و موزیكی كوردی كرد.
هونەرمەندی دەنگ خۆش سابیر كوردستانی بەهۆی توشبوونی بە ڤایرۆسی كۆرۆنا و مانەوەی بۆ ماوەی 12 رۆژ لە نەخۆشخانەی ئاسای تایبەت بە كۆرۆنا، رۆژی 10-8-2020 كۆچی دوایی كرد و بۆ هەمیشە ماڵئاوایی لە هونەری كوردی و هەوادارانی كرد.
هونەرمەند سابیر كوردستانی ساڵی 1955 لە شاری كەركووك لەدایكبووە، لە تەمەنی منداڵیدا بەهۆی بەكارهێنانی چارەسەری نەخۆشی بەهەڵە چاوەكانی لەدەستداوە، خاوەن دەیان گۆرانییە و لە زۆر بۆنەدا ئاماژەی بەوەداوە كە زۆربەی گۆرانییەكانی رووداوێكی راستی لە پشتەوەیە.
PUKmedia تایبەت