عیراق دووه‌م گه‌وره‌ترین ھاورده‌كاری كه‌لوپه‌لی ئێرانه‌

عیراق دووه‌م گه‌وره‌ترین ھاورده‌كاری كه‌لوپه‌لی ئێرانه‌، له‌ ماوه‌ی 4 مانگدا به‌بڕی زیاتر له‌ 2 ملیار و 300 ملیۆن دۆلار شومه‌كی ئێرانی ھاورده‌ كردووه‌.

نوسینگه‌ی كاروباری عه‌ره‌بی و ئه‌فریقی له‌ رێكخراوی گه‌شه‌پێدانی بازرگانی ئێرانی رایگه‌یاندووه‌، له‌ ماوه‌ی 4 مانگی سه‌ره‌تای ئه‌مساڵدا، عیراق دووه‌مین وڵات بووه‌ بۆ ھاورده‌كردنی به‌رھه‌م و كه‌لوپه‌لی نانه‌وتی ئێرانی و 9 ھه‌زار و 611 ملیۆن تۆن كه‌لوپه‌لی له‌و وڵاته‌ به‌بڕی 2 ملیار و 343 ملیۆن دۆلار ھاورده‌ كردووه‌. 

راشیگه‌یاندووه‌، چین له‌ پله‌ی یه‌كه‌مدا بووه‌ و له‌ دوای عیراقیشه‌وه‌ وڵاتانی ئیمارات و توركیا و ئه‌فغانستان و پاكستان ھاتوون. عیراق له‌ 20ی ئازاری رابردووه‌وه‌ تا 20ی ته‌مووزی ئه‌مساڵ، 10.9 ملیۆن تۆن كه‌لوپه‌لی له‌ ئێران كڕیوه‌.

PUKmedia ئاژانسه‌كان