كچێك لەڕۆژی لەدایكبوونیدا سێ بەندكراو ئازاد دەكات

كچێك لەشاری مەشهەد لە ئێران پارەی تێچووی ئاهەنگی جەژنی لەدایكبوونی بۆ سێ بەندكراو خەرج دەكات و دەشلێت چەندین ساڵە لەڕۆژی لەدایكبوونی یارمەتی خێزانە كەمدەرامەتەكان دەدات.

فەهمیە خواجوی موقەدەم كچێكی تەمەن 28 ساڵە و دانیشتووی شاری مەشهەدە لە ئێران  و چالاكوانێكی مەدەنییە، بڕی 10 ملیۆن تمەن خەرجی ئازادكردنی سێ بەندكراو دەكات كە بەهۆی كێشەی داراییەوە دەستگیر كرابوون.

ئەو كچە دەڵێت هەموو ساڵێك لە مەراسیمی جەژنی لەدایكبوونی ئەو پارەیەی كە دەبێت بۆ ئاهەنگەكە خەرج بكات، دەیدات بە خێزانە كەمدەرامەتەكان و بۆ ئەمساڵیش بڕی 10 ملیۆن تمەنی پارە داوە بۆ ئەوەی سێ بەندكراو كە كێشەی داراییان هەبووە لە زیندان ئازاد بكات.

PUKmedia  ئاژانسەكان