شوێنەوارە گەڕاوەكانی بەغدا پەیوەندی بە كوردستانەوە هەیە

بەرێوەبەری گشتی شوێنەواری هەرێم باس لەو پارچە شوێنەوارانە دەكات كە بەم دواییە لە ئەمەریكاوە گەڕێنرانەوە بەغدا و رایدەگەیەنێت، بەشێك لەو پارچانە پەیوەندی بە كوردستانەوە هەیە، ئاماژە بەوەشدەكات ئەوان لە هەوڵدان سەرجەم پارچە شوێنەوارە كوردستانییەكان لەبەغداوە  بگەڕێنەوە مۆزەخانەكانی هەرێم.
كەیفی مستەفا بەرێوبەری گشتی شوێنەواری هەرێمی كوردستان بە PUKmedia  ی راگەیاند: بەشێك لەو پارچە شوێنەوارانەی بەمداواییە لە رێگای وەزارەتی دەرەوە لە ئەمەریكاوە گەڕێنرانەوە ناوخۆی عیراق، شوێنەواری ناوچە جیاجیاكانی كوردستانیشی تێدایە.
 وتیشی: شوێنەوارە دزراوەكان عیراق بۆسەردەمی پێش راپەرین دەگەڕێتەوە، ئەوكاتە لەلایەن تیمەكانی عیراقی دۆزراونەوە و لە مۆزەخانەكانی  بەغدا پارێزگاریان لێكردووە، لەگەڵ بەشێك لەوانە لە سەردەمی راپەرین بەتایبەتی لە سنووری دهۆك گوازرانەوە بەغدا. واتا لە كوردستان نەدزراون، بەڵكو كاتی خۆی لە پڕۆسەی ئازاردی عیراق لە 2003 بەرەو دەوەی وڵاتیان بردووە.
روونیشیكردەوە: ئێمە وەك بەرێوبەرایەتی گشتی شوێنەواری هەرێم هەوڵمانداوە  سەرجەم ئەو شوێنەوارانەی پەیوەندی بە كوردستانەوە هەیە لەمۆزەخانەكانی دیكەی عیراق بگەرێنەوە مۆزەخانەكانی ناوخۆی هەرێم، تاكو هاوشێوەی ئەوانەی
لە دوای راپەڕین دۆزراونەتەوە بپارێزرێن،  بەڵام هەوڵەكانمان سەركەوتوو نەبووە و رەزامەندی نەدرا لەسەر گەڕانەوەیان.
PUKmedia  تەها عەبدوڵڵا