دوای 7 ساڵ ئاواره‌یی ئێزیدییه‌كان داواده‌كه‌ن بگەڕێنەوە سەر ماڵ و حاڵی خۆیان

پاش هه‌فت سالان داخوازیێن ئێزیدیان چنه‌ دڤێت چ بئێته‌ كرن دا خه‌لكێ ده‌ڤه‌رێ ب ته‌مامی ڤه‌گه‌ریه‌ جهـ و وارێت خوه‌ ؟

خه‌لكێ ئێزدی لناڤا شنگالێ و ل كه‌مپێن ئاوه‌ریێ داخوازا ڤه‌گه‌ریانا گرتیێن ده‌ستێ تیرۆرستان دكه‌ن و دخوازن بهێنه‌ قه‌ره‌بۆكرن و ئیمانهی ل ناڤچه‌یێن وان بهێته‌ پشت راستكرن داكو بشێن ل جھ و وارێن خوه‌ ڤه‌گه‌رن .

جه‌مال الیاس یه‌ك ژوان كه‌سێن كو ڤه‌گه‌ریایه‌ سه‌ر مال و حالێن خوه‌ ل شنگالێ داخوازا وی ژ حكومه‌تێ و ئالیێن به‌رپرس ئه‌وه‌ ب زووترین ده‌م گرتیێن وان ئه‌وێن ل ده‌ستێ تیرۆرستێن داعه‌شێ دا بهێنه‌ رزگاركرن و جاره‌كه‌ دی ڤه‌گه‌رنه‌ ناڤ كه‌س و كارێن خوه‌ ل شنگالێ ، هه‌روه‌ها بۆ PUKmedia  دیاركر كو هه‌تا نهۆ ب سه‌دان ژ كه‌س و كارێن وان لناڤ ده‌ستێن رێككخراوا تیرۆریستی یا داعه‌شێ دانه‌ و ل ره‌وشه‌كا خراب و ئاڵۆز دا دژین له‌ومان داخوازیێ ژ حكومه‌تا عێراقێ دكه‌ت ب زووترین ده‌م چاره‌نفیسێ گرتیێن وان بهێته‌ دیاركرن.


هه‌روه‌ها مه‌مۆ مچۆ یه‌ك ژ ئاوه‌ریێن لناڤا كه‌مپایه‌  ئه‌گه‌رێ نه‌ڤه‌گه‌ریانا وان بۆ شنگالێ بۆ وێیه‌كێ ڤه‌دگه‌رینێت كو ئه‌من و ئمناهی ل شنگالێ نینه و مالێن وان هیژ د ویرانن  و ژیان ل شنگالێ نابیت ژبه‌ر وێ یه‌كێ داخوازا وی ژ ئالیێن به‌رپرس و كاربده‌ست   ئه‌وه‌ بهێنه‌ قه‌ره‌بۆكرن و مالێن وان بۆ بهێنه‌ ئاڤاكرن و ئه‌من و ئمناهی ل ده‌ڤه‌رێ بهێته‌ په‌یداكرن و ره‌ڤاندیێن ده‌ستێ داعه‌شێ بهێنه‌ رزگاركرن داكو ئه‌و بشێن ب یه‌كجاری ژ كه‌مپێن ئاوره‌یێ ڤه‌گه‌رن سه‌ر مال و حالێن خوه‌ ل شنگالێ.

ژبال خوڤه‌ قایمه‌قایمێ قه‌زایا شنگالێ ب وه‌كاله‌ت فه‌هه‌د حامد خوه‌یاكر كو نه‌ڤه‌گه‌ریانا خه‌لكێ مه‌ لناڤا كه‌مپاندا بۆ وێیه‌كێ ڤه‌دگه‌ریت كو حكومه‌تا عێراقێ چ گرنگێ پێ نه‌دایه‌ و ل پشت گوھ هاڤێتینه‌ ژبه‌ركو ئه‌ڤه‌ ماوه‌یێ هه‌فت سالانه‌ خه‌لكێ ل كه‌مپاندا دژین و نه‌ لسه‌ر جھ و وارێن خوه‌نه‌ لێ حكومه‌تا عێراقێ چ هه‌ول بۆ ڤه‌گه‌را ئاواره‌یان نه‌داینه ، ژبۆی ڤه‌گه‌را خه‌لكێ مه‌ لناڤا كه‌مپاندا پێدڤیه‌ ژێده‌رێن ژیانێ ل شنگالێ بهێنه‌ ئاڤاكرن مینا دابین كرنا ئاڤ و كه‌هره‌با نشتیمانی و ئاڤه‌دانكرنا خوێندنگه‌هان و نه‌خوه‌شخانه‌یان ، هه‌روه‌ها پێدڤیه‌ گۆرێن بكۆم یێن شه‌هیدێن مه‌ بهێنه‌ راكرن و ب شه‌هید بهێنه‌ ناساندن . فه‌هه‌د بۆ PUKmedia  ئاشكراكر كو هنده‌ك ژ گوندێن شنگالێ یه‌ك مال ژی ڤه‌نه‌گه‌ریایه‌ بۆ نمونه‌ گوندێ گرزه‌رك كو یه‌ك ژ وان گوندان بوو ل ده‌مێ هێریشا داعه‌شێ به‌رگریه‌كا زۆر كر و ژماره‌یه‌كا شه‌هیدا دان لێ هه‌تا نهۆ هه‌ستیكێن وان ل ئه‌ردێ ماینه و نه‌هاتینه راكرن له‌ومان داخوازیێ ژ رێكخراوێن نیڤ ده‌وله‌تی و مافێن مرۆڤی دكه‌ت هه‌ستیكێن وان بهێنه‌ راكرن و كه‌یسا ئێزدیان ب جینۆساید بهێته‌ ناساندن داكو مافێ وان به‌رزه‌ نه‌بیت .


PUKmediaخێرۆ گرعزێری